د طالبانو د حکومت او پاکستان د پلاوو ترمنځ سختې خبرې اترې د دویمې پرله پسې ورځې لپاره د چین په ارومچي ښار کې دوام لري. د څو غونډو له جوړېدو سره سره، تر اوسه د دې خبرو د منځپانګې په اړه کره جزئیات رسنیو ته نه دي وتلي.
د چین د بهرنیو چارو وزارت د اصلي منځګړي په توګه اعلان کړی چې د اختلافاتو د حل لپاره خپلو هڅو ته دوام ورکوي. بیجینګ هیله من دی چې دا خبرې اترې د سرحدي نښتو د کمېدو او د دوو ګاونډیو ترمنځ د مهمو سوداګریزو لارو د پرانیستل کېدو لامل شي.
دا ډیپلوماټیکې خبرې په داسې حال کې ترسره کېږي چې د ډیورنډ کرښې په اوږدو کې پوځي کړکېچونه په شدت سره زیات شوي دي. افغان چارواکي د هېواد پر ختیځو ولایتونو د پاکستاني پوځ د توپچي بریدونو د دوام خبر ورکوي.
#پاکستان #طالبان #سوله #چین #افغانستان
🌐
Cloudflare