په فراه ولایت کې سیمه ییز چارواکي وایي چې د یوه دیوال د نړیدو له امله یوه ماشوم خپل ژوند له لاسه ورکړی دی. دا تریخه پیښه په وروستیو ورځو کې د پرله پسې او سختو بارانونو له امله رامینځته شوې او کورنیو ته یې لوی غم راوړی دی.
په فراه ولایت کې د طالبانو حکومت مسئولینو د دې خبر په تایید سره ویلي چې دا دیوال د فراه رود په ولسوالۍ کې نړیدلی دی. په دې خواشینونکې پیښه کې یو بل ماشوم هم سخت ټپي شوی او د درملنې لپاره روغتون ته لیږدول شوی دی.
په دې ولایت کې وروستیو سختو بارانونو او سیلابونو د خلکو استوګنیزو کورونو او کرنیزو ځمکو ته ډیر زیانونه اړولي دي. دغه وضعیت همدارنګه د نښلونکو سړکونو د تړل کیدو لامل شوی او ځایی اوسیدونکو ته یې ډیرې ستونزې جوړې کړې دي.
#افغانستان #فراه #طبیعي\_پیښې #سیلابونه
🌐
