په ننګرهار ولایت کې پرله پسې بارانونو او ویجاړوونکو سېلابونو لا هم له افغانانو قرباني اخلي. په تازه پېښه کې د شېرزادو ولسوالۍ کې د یوه کور د چت لوېدو له امله درې کسانو خپل ژوند له لاسه ورکړ.
د طالبانو حکومت سیمه ییز مسوولین وايي چې دا بوږنوونکې پېښه په ګندمک کلي کې رامنځته شوې ده. دا په داسې حال کې ده چې یوه ورځ مخکې هم په ګاونډیو ولسوالیو کې شپږ کسان د ورته دلیل له امله مړه شوي وو.
په وروستیو ورځو کې سختو بارانونو د هېواد له شلو ډېر ولایتونه اغېزمن کړي دي. د دغو پېښو له امله تر ۳۶۰۰ ډېر کورونه ویجاړ شوي او زرګونه جریبه کرنیزه ځمکه له منځه تللې ده.
#ننګرهار #طبیعي\_پېښې #افغانستان
🌐
Cloudflare