د افغانستان د اوولس کلنو فوټبال ملي لوبډله د مرکزي اسیا د اتلولۍ جام د حساسو سیالیو په دوام کې د خپلې وروستۍ او تر ټولو مهمې لوبې ترسره کولو لپاره د تاجیکستان د فوټبال ملي لوبډلې پر وړاندې میدان ته ښکته کېږي.
ټاکل شوې چې دا خورا په زړه پورې سیالي نن شنبه د ازبکستان په پلازمېنه تاشکند ښار کې د نندارچیانو په شتون کې ترسره شي. دا لوبه په حقیقت کې په دې معتبره او پېژندل شوې سیمه ییزه سیالۍ کې د افغان ځوانو ملي لوبغاړو څلورمه رسمي لوبه ګڼل کېږي.
د هېواد د فوټبال ملي لوبډلې په خپلو تېرو دریو لوبو کې له دوو تریخو ماتو او یوې مساوي پایلې سره مخ شوې ده. د کافا سیالۍ د مرکزي اسیا سیمې د پنځو هېوادونو د لوبډلو په پراخ ګډون سره لا هم روانې دي.
🌐
#فوټبال #افغان\_سپورټ #کافا
