د ښوونې او روزنې تکړه فعال او په افغانستان کې د نجونو د زده کړې د حق کلک مدافع مطیع الله ویسا د ۲۰۲۶ میلادي کال د آزادۍ معتبره جایزه وګټله. دا نړیواله جایزه د فرانسې د نرماندي سیمې لخوا او د نړۍ له ګوټ ګوټ څخه د زرګونو ځوانانو په رایو سره دې مدني فعال ته ورکړل شوې ده.
ښاغلی ویسا چې د قلم لارې ټولنې بنسټ ایښودونکی دی د زرګونو رضاکارانو په مرسته یې د افغانستان په محرومو سیمو کې د زده کړې د پراختیا لپاره ډیرې هڅې کړې دي. هغه د تیر کال په مارچ میاشت کې د خپلو حق غوښتونکو فعالیتونو له امله د طالبانو د حکومت لخوا ونیول شو او شاوخوا اووه میاشتې یې په زندان کې تېرې کړې.
د دې جایزې د ورکړې رسمي مراسم ټاکل شوې ده چې د جون په میاشت کې د فرانسې په کان ښار کې د پخوانیو سرتیرو په ګډون د زرګونو کسانو په شتون کې ترسره شي. افغانستان دا مهال په نړۍ کې یوازینی هیواد دی چې نجونې پکې منځنیو او لوړو زده کړو ته د لاسرسي حق نه لري.
#افغانستان #مطیع\_الله\_ویسا #د\_نجونو\_زده\_کړه #د\_آزادۍ\_جایزه
🌐
