د ازبيکستان د سوداګرۍ خونې رئيس اعلان وکړ چې په روان کال کې افغانستان ته د دوی صادرات پنځه سوه پنځوس ميليون ډالرو ته رسېدلي دي. هغه دا بازار د ازبيکستاني توکو لپاره يو مخ پر وده فرصت وباله. د خوراکي توکو لکه غوړيو او هګيو صادرات په دې وده کې لويه برخه لري.
راپورونه ښيي چې د مياشتني صادراتو کچه د جنوري په مياشت کې له سلو اوولسو ميليونو څخه په اپريل کې سلو شپېتو ميليونو ډالرو ته لوړه شوې ده. د ازبيکستان چارواکو له خپلو سوداګرو غوښتي چې له دې طلايي فرصت څخه د سوداګرۍ پراختيا او نويو بازارونو موندلو لپاره پوره ګټه پورته کړي.
د طالبانو حکومت د سوداګرۍ وزارت هم تر دې مخکې د دواړو هېوادونو ترمنځ د لويو سوداګريزو تړونونو د لاسليک خبر ورکړی و. ازبيکستان هڅه کوي چې د روان کال تر پايه له افغانستان سره د خپلو سوداګريزو اړيکو کچه پنځه ميليارد ډالرو ته لوړه کړي.
#افغانستان #ازبيکستان #اقتصاد
🌐
