د طالبانو حکومت سیمه ییزو چارواکو تایید کړې چې د فراه ولایت په بالابلوک ولسوالۍ کې د یوې ترافیکي پیښې له امله یو ماشوم خپل ژوند له لاسه ورکړی دی. دا پیښه په شیوان سیمه کې هغه مهال رامنځته شوه چې یوه موټر دا ماشوم وواهه.
د موټر چلوونکی له پیښې وروسته له سیمې تښتیدلی و خو امنیتي ځواکونو وکولای شول چې شکمن کس ډیر ژر وپیژني او ویې نیسي. په دې وروستیو ورځو کې د ورته پیښو ډیر راپورونه ورکړل شوي دي.
د اختر په ورځو کې د هیواد په څلورو ولایتونو کې له اتیاوو ډیرې ترافیکي پیښې رامنځته شوې دي. دا پیښې چې ډیری یې د موټر چلوونکو د بې احتیاطۍ له امله وې لسګونه کسانو ته مرګ ژوبله اړولې ده.
#فراه #ترافیک #افغانستان
🌐
