اروپايي ټولنې اعلان کړی چې په افغانستان کې د وروستیو سیلابونو له امله زیانمن شویو کسانو د ملاتړ لپاره یې پنځوس زره یورو مرسته کړې ده. دا مالي مرسته به د افغاني سرې میاشتې ټولنې له لارې اړمنو ته ورکړل شي.
د دې ټولنې د بشردوستانه مرستو څانګې ټینګار کړی چې وروستیو سیلابونو ډیرې ټولنې سختې اغیزمنې کړې دي. دغو طبیعي پیښو په افغانستان کې اوسنی ناوړه بشري وضعیت نور هم خراب کړی دی.
دې نوې مرستې سره په روان کال کې د سیلاب ځپلو لپاره د اروپايي ټولنې د مرستو ټولټال کچه لوړه شوې ده. زیانمن شوي کسان به د دې مالي سرچینو په کارولو سره نغدو پیسو سرپناه پاکو اوبو او روغتیایي پاملرنې ته لاسرسی ومومي.
#سیلابونه #اروپايي\_ټولنه #افغانستان
🌐
