نامتو افغان شیعه عالم او د تقلید مرجع ایت الله محمد اسحاق فیاض د شپږ نوي کلونو په عمر د عراق په نجف ښار کې مړ شو. په کابل کې د هغه دفتر د پنجشنبې په ورځ دا خبر تایید کړ او د اسلامي علومو په برخه کې یې د هغه خدمتونه وستایل.
نوموړی په غزني ولایت کې زیږیدلی و او د لومړنیو زده کړو وروسته عراق ته ولاړ. هغه په نجف کې د دیني علومو یو له سترو استادانو څخه و او د خپل ژوند ډیره برخه یې د دیني زده کړو په تدریس کې تیره کړه.
د هغه د مړینې وروسته بیلابیلو سیاسي او مذهبي څیرو د خواشینۍ پیغامونه خپاره کړي دي. هغه په ټوله نړۍ کې ډیر زیات پلویان درلودل او د شیعه مرجعیت یو له مهمو کسانو څخه شمیرل کیده.
#افغانستان #نجف #دیني\_عالم
🌐
