د اسلامي وحدت ګوند مشر محمد محقق په هرات ولایت کې د حکومت طالبان له خوا د لاریون کوونکو ځپل د انساني او اسلامي ارزښتونو خلاف عمل وباله. هغه ټینګار وکړ چې د خلکو پر حقونو تیری د هیواد د ستونزو حل نه دی.
ښاغلي محقق د یوې اعلامیې په خپرولو سره خبرداری ورکړ چې دا ډول تاوتریخوالی د خلکو او واکمنانو ترمنځ واټن لا پسې زیاتوي. هغه د تاوتریخوالي د پای ته رسولو او د افغانانو انساني کرامت ته د درناوي غوښتنه وکړه.
دا غبرګون وروسته له هغه وښودل شو چې د هرات اوسیدونکو د ښځو د نیولو په غبرګون کې لاریون وکړ. راپورونه وايي چې پر لاریون کوونکو د حکومت طالبان د ځواکونو د ډزو په پایله کې لږ تر لږه دوه کسان وژل شوي دي.
#هرات #بشري\_حقونه #افغان\_ښځې #لاریونونه
🌐
