د هانا د بشري حقونو سازمان په خپل نوي راپور کې ویلي چې په ایران کې افغان کډوال له جدي قانوني ننګونو سره مخ دي. دې بنسټ له عدالت څخه د دغو کسانو د محرومیت پر زیاتېدونکي بهیر ژوره اندېښنه ښودلې ده.
د دې راپور پر بنسټ ډېری کورنۍ په ځانګړې توګه ښځې او ماشومان د واده او زیږون په څېر د مهمو پېښو په ثبتولو کې له خنډونو سره مخ دي. وروستیو سیمه ییزو نښتو او امنیتي تدابیرو پر افغانانو اداري فشارونه لا پسې زیات کړي دي.
دې ناوړه شرایطو د زیان منونکو ډلو لپاره ډېرې بدې پایلې رامنځته کړې دي. د معتبرو پیژندپاڼو نشتوالی ماشومان له زده کړو بې برخې کوي او د کار کولو خطر سره یې مخ کوي، پداسې حال کې چې د ایستلو لړۍ هم چټکه شوې ده.
#افغان\_کډوال #بشري\_حقونه #ایران
🌐
