د کډوالۍ نړیوال سازمان او د ملګرو ملتونو له نشه یي توکو سره د مبارزې دفتر اعلان کړی چې افغانستان ته له راستنو شویو کډوالو څخه نیمايي یې د ژوند لومړني لګښتونه نه شي پوره کولی. دا کورنۍ مرستو ته سخته اړتیا لري.
دغو دوو بنسټونو د انسانانو د قاچاق پر وړاندې د مبارزې د نړیوالې ورځې په مناسبت خبرداری ورکړی چې سخته بېوزلي دا کسان د قاچاق او ناوړه ګټې اخیستنې پر وړاندې زیان منونکي کوي. ډیری دا کورنۍ د ژوندي پاتې کېدو لپاره پر پورونو تکیه کوي.
وروستیو بحرانونو لکه جبري راستنېدل او د بشري مرستو کمښت وضعیت لا پسې خراب کړی دی. نړیوالو بنسټونو د احتمالي ناوړه ګټې اخیستنې د مخنیوي لپاره د دې کډوالو د سمدستي ملاتړ غوښتنه کړې ده.
#افغانستان #کډوالي #ملګري\_ملتونه
🌐
