د عفو نړیوال آسترالیا ډله د کانبرا یوه غونډه کې له حکومت وغوښتل چې د خطر سره مخ افغانانو، لکه ښځو، د بشري حقونو مدافعانو او توکمیزو او مذهبي لږکیو لپاره د بیا اباد کولو فرصتونه زیات کړي. د افغان ښځو د حقونو فعاله فرخنده وویل چې طالبانو افغانستان کې د «جنسي آپارتاید» پر بنسټ نظام جوړ کړی دی.
د عفو نړیوال آسترالیا له ذکي حیدري وویل چې افغانستان کې بنسټیزې آزادۍ محدودې شوې او ملیونونه خلک د وېرې په فضا کې ژوند کوي. هغه له آسترالیا وغوښتل چې سمدلاسه پر طالبانو دیپلوماتیک فشار زیات کړي. دې سازمان دمخه هم د افغان کډوالو لپاره د ۲۰ زرو اضافي ځایونو غوښتنه کړې وه.
آسترالیا د طالبانو اداره نه پیژني، خو د هیواد د بهرنیو چارو وزیره د جنوري ۲۰۲۶ کال کې د افغانستان لپاره ۵۰ میلیونه آسترالیایي ډالره اضافي بشري مرسته اعلان کړه. له ۲۰۲۱ کاله راهیسې آسترالیا ۳۱۰ میلیونه ډالره افغانستان ته مرسته کړې ده.
#عفو\_نړیوال #افغان\_کډوال #بشري\_حقونه #آسترالیا
