د طالبانو حکومت چارواکو په یوه رسمي ناسته کې په پروان ولایت کې د جبل سراج د سمنټو فابریکې د دویمې برخې د جوړولو د پیل خبر ورکړ. دغه لویه او مهمه پروژه د کورنیو تولیداتو د زیاتوالي په موخه د ملي پراختیا شرکت لخوا پلي او تمویل کیږي.
د طالبانو حکومت د رییس الوزرا مرستیال عبدالسلام حنفي ویلي دي چې دا لویه فابریکه به په هر څلیریشت ساعتونو کې د پنځه زره ټنه سمنټو د تولید لوړ ظرفیت ولري. د دې پروژې د لومړۍ برخې تړون په ۱۴۰۲ لمریز کال کې د ډیر مالي لګښت سره لاسلیک شوی و.
د جبل سراج د سمنټو تولید فابریکې په ۱۳۳۷ لمریز کال کې په کورنۍ پانګونې سره په کار پیل وکړ خو د لسیزو په اوږدو کې یې کار څو ځله ودرول شو. اوس مهال کارپوهان تمه لري چې د دویمې برخې په بریالیتوب سره بشپړیدل به د هیواد د سمنټو مخ په زیاتیدونکي اړتیا تر ډیره حده پوره کړي.
🌐 #افغانستان #اقتصاد #پروان #سمنټ
