د هندي سینما پر اداکار ټایګر شروف د وروستۍ ډزو له پېښې وروسته، د لویدیځ هند د سینما کارمندانو فدراسیون (FWICE) لوی سلاکار وايي چې د هر ستوري لپاره د امنیت زیاتول عملي حل لاره نه ده.\اشوک پنډت، له هندوستان ټایمز سره په مرکه کې وویل، که څه هم دې پېښې په لومړي سر کې په صنعت کې وېره خپره کړه، خو د حکومت چټک اقدام چې په دوو ورځو کې یې تورن کسان ونیول، دوی ته یې ډاډ او باور ورکړ. هغه وویل: "دې کار ثابته کړه چې سیسټم دا موضوع څومره جدي اخیستې. دا زموږ باور زیاتوي."\په دې برید کې ټایګر شروف ته زیان نه و اوښتی، خو دې پېښې په ټول بالیووډ کې ژوره اندېښنه را پیدا کړې ده. له دې پېښې وروسته، د سلمان خان او اکشې کمار په څېر د نورو لویو ستورو د کورونو بهر هم امنیت ټینګ شوی دی.\پنډت ټینګار وکړ چې حل لاره د هر اداکار لپاره د شخصي ساتونکو په ګمارلو کې نه، بلکې د قانوني سیسټم په پیاوړتیا او د مجرمینو په منځ کې د قانون له وېرې په رامنځته کولو کې ده. هغه زیاته کړه: "موږ په صنعت کې ټول ډېر ښه خلک یو، موږ هنرمندان او لوبغاړي یو، موږ تاوتریخوالي خوښوونکي خلک نه یو."\هغه دا هم وویل چې له پېښې وروسته یې د ټایګر له پلار، پخواني اداکار جکي شروف سره لیدلي دي. د پنډت په وینا، جکي شروف د حکومت له چټک غبرګون څخه مننه وکړه او ویې ویل: "خدای مهربان و، هرڅه سم شول. حکومت فوق العاده غبرګون وښود."\دې پېښې یو ځل بیا په هند کې د سینمايي ستورو د امنیت په اړه بحثونه راپورته کړي، چې کله ناکله د جنایتکارو ډلو لخوا د پیسو اخیستو لپاره په نښه کیږي.\سرچینه: Hindustan Times🌐

Author