محمدحسن ثاقب، طالبان حکومتی نینگ نورستانده پولیس سخنگویی، دعوا قیلدی که اۉتگن اوچ کون داویمیده بو ولایت نینگ کامدیش ولسوالیسیده کمیده ۳۸ مخالف کوچ اۉلدیریلگن. اۉ ایتدی که بو جنگلر داویمیده، نورده ۶۰ کیشی مخالف مسلح کوچلردن هم بو ولسوالیده توتیب آلینگن.
ثاقب دوشنبه کونی، التینچی میزان، طالبان حکومتی گه منسوب رادیو حریت گه ایتیشیچه، مخالف کوچلر نینگ بیر قسمی جنگلرده یره لنگندن کیین توتیب آلینگن و باشقه بیر قسمی هم تسلیم بۉلگن. بو محلی طالبان مقامی قوشیمچه قیلدی که نورستان کامدیش ولسوالیسیده «تصفیه عملیاتی» هنوز داوام ایتماقده.
طالبان حکومتی نینگ دفاع وزیرلیگی هم معلوم قیلدی که کامدیش ولسوالیسیده ۲۸ مخالف کوچ نی اۉلدیرگن و ۳۲ کیشی نی توتیب آلگن. طالبان بو کیشی لرنی «داعش فتنه چیلری و شر و فساد عناصرلری» دیب آتگن و دعوا قیلگن که اولر پاکستان نینگ «تشویقی» بیلن دیورند سرحدی نینگ آنسو تمنیدن افغانستانگه کیرگن لر.
شونی بیلن بیرگه، افغانستان آزادی جبهه سی شنبه کونی دعوا قیلدی که نورستان کامدیش ولسوالیسی و کنر ناری ولسوالیسی نینگ بعضی قسملری طالبان قولیدن «آزاد بۉلگن.» بو جبهه قوشیمچه قیلدی که اۉزی نینگ کوچلری طالبان نینگ کۉپ اسلحه، تجهیزات و استحکاماتینی غنیمتگه آلگن و اونلب پهپادلرینی نابود قیلگن.
افغانستان آزادی جبهه سی یکشنبه کونی هم معلوم قیلدی که اۉزی نینگ کوچلری کامدیش و ناری ولسوالی لریده طالبانگه قرشی جنگلرده ۳۷ طالب گه یره یتکزگن و ۲۴ کیشی نی اۉلدیرگن. بو جبهه طالبان نینگ تلفات و توتیب آلینگن مخالف کوچلر هقیده رپورتینی «یالغان» دیب آتدی.
آزادی جبهه سی شونینگدېک دعوا قیلدی که طالبان زور بیلن نورستانده بۉلگن سیاحلرنی توتیب آلینگن کیشی لر دیب اعتراف ویدیولرینی ضبط و منتشر قیلگن. هر ایکی طرف هازیرگیچه بو جنگلرنینگ تلفات و نتیج
