امریکا قۉشمه ایالتلری کانگرسی نینگ ایکی حزبی اعضالریدن بیر تعدادی، بو مملکت تشقی ایشلر و ایچکی خوفسیزلیک وزیرلریگه مکتوب یوباریب، مینگلرچه افغان متفق و اولرنینگ عایله‌لری وضعیتیگه تېزده یېتیشیشنی طلب قیلدیلر که هلی هم مملکت تشقریسیده سرگردانلیکده قالگنلر. بو مکتوبده امریکا دولتیدن اوشبو کیشیلرنی ینگی دن جایلشتیریش دوسیه‌لرینی بیرینچی اۉرینگه قۉییشی سۉره لگن.
اوشبو مکتوب کالیفورنیا نینگ دیموکرات نماینده‌سی اسکات پیترز رهبرلیگیده و نماینده‌لر مجلسی و سنا نینگ باشقه ۱۹ اعضاسی نینگ امضاسی بیلن، ۲۹ سپتامبر (۷ میزان)ده یوباریلگن. امضا قیلگنلر دولت دن، هلی هم مملکت تشقریسیده قالیب کیتگن امریکالیک حربی لر و سابق عسکرلرنینگ عایله‌لرینی امریکاگه انتقال بیریشنی سۉره‌گنلر.
مکتوبده تأکیدلنگنیچه، امریکالیک حربی لر و سابق عسکرلرنینگ عایله اعضالریدن قریب اوچ مینگ کیشی، که خاتینلری، باله‌لری و آتا آنه‌لرینی اۉز ایچیگه آله‌دی، هلی هم مملکت تشقریسیده اۉز تقدیرلرینی کوتماقده‌لر. بو کیشیلردن تخمیناً ۱۵۰ نفری قطرده گی السیلیه کمپیده یشه ماقده‌لر.
مکتوب اساسیده، امریکا دولتی تامانیدن تیکشیریلیب و دولتی اوچاق بیلن قطرگه انتقال بېریلگن باشقه بیر مینگدن آرتیق افغان متفق و اولرنینگ عایله اعضالری هم اوشبو کمپده دیرلر. قانون چقرووچیلر: «هیچ بیر حربی، اۉز مملکتیگه خدمت قیلیش و عایله‌سیگه قۉشیلیش اۉرته‌سیده بیری نی تنلشگه مجبور بۉلمسلیگی کیره ک» دېب یازگنلر.
اولر تیگیشلی وزیرلیکلردن، السیلیه کمپیدن باشلب، عایله‌لرنی بیرلشتیریش دوسیه‌لرینی تیکشیریش جریانینی بیرینچی اۉرینگه قۉییشلرینی سۉره‌گنلر. شونینگدیک، بو نماینده‌لر دولت نینگ بو کیشیلرنی پناهلاوچی صفتیده رسمی تانیشینی طلب قیلگنلر که امریکاگه کیریش اوچون استثنایی و موردی مجوزلرگه احتیاج قالمه سین.
بو مکتوب، اسوشیتدپرس آژانسی نینگ گزارشیگه کۉره، واشنگتن قطرده گی السیلیه کمپی نینگ فعالیتینی که چهارشنبه کونی، ۸ میزانده یاپیلیشی ریجه‌لنگن اېدی، باشقه تۉقّیز آی دوامیده تمدید قیلیشگه قرار قیلگن بیر پیتده یوباریلگن.
منبع: افغانستان اینترنشنل
🌐
