بدخشانده گی محلی منبعلر سه‌شنبه کونی، ۷ میزان، بو ولایت نینگ بیشینچی ناحیه‌سیده گی بیر مسجدده محمد اسملی بیر یتیم باله نینگ ملا تامانیدن قتتیق دېپکیلنگنینی گزارش قیلدیلر. منبعلرنینگ سۉزلریگه کۉره، بو باله نینگ آنه‌سی احتمالی عاقبتلریدن قۉرقیب، بو قضیه‌دن شکایت قیلیش و پیگیری ایتیشدن واز کېچگن.
بیر کورگن شاهد افغانستان اینترنشنلگه اۉزی نینگ بو باله نینگ دېپکیلگنینی کورگنینی و بو واقعه‌دن عکس آلگنینی ایتدی. اونینگ سۉزلریگه کۉره، طالبان نینگ حج و اوقاف اداره‌سی تامانیدن بو مسجدده فعالیت قیله‌یاتگن ملا منیب الرحمان اسملی شخص، بو باله‌نی اورگن.
بو منبع، واقعه‌دن سۉنگ، اۉزی و باشقه بیر نیچه کیشی نینگ ملا منیب الرحمان بیلن صحبت قیلگنینی، لیکن ملا باله نینگ هیچ قنده‌ی خطا قیلمه‌گنینی ادعا قیلگنینی و سۉنگره باله نینگ آنه‌سیگه بی‌تفاوطلیک بیلن: «هر جایگه بارماقچی بۉلسنگیز باریب شکایت قیلینگ، مهم اېمس» دېگنینی قۉшимچه قیلدی.
بو واقعه‌گه عکس العملده، افغانستان نینگ سابق مخصوص کوچلری قوماندانی سمیع سادات، طالبان کنترولی آستیده گی دینی مدرسه‌لرده باله‌لر تعلیم آلیش اۉرنیگه «قۉرقوو، آغریق و حقارت» بیلن روپه‌رو بۉلیشلرینی ایتدی. او، باله‌لرگه قرشی زوروانلیک اوزاق مدتلی و جبران قیلیب بۉلمه یدگن روانی عاقبتلرگه اېگه بۉلیشی ممکن لیگینی خبردار قیلدی.
جناب سادات قۉшимچه قیلدی: «بیر تعلیم مرکزی زوروانلیک مکانیگه ایلنگنده، بیز قنده‌ی بیر جامعه قوره میز؟» او، دینی مدرسه‌لرده باله‌لرگه قرشی زوروانلیک توخته‌تیلیشی و عامللری جوابگرلیککه تارتیلیشی کیره ک لیگینی تأکیدله‌دی.
بو، سونگگی آیلرده دینی مرکز لرده باله‌لرگه قرشی زوروانلیک حقیده گی نېچچینچی گزارش دیر. آلدینراق، ۱ میزانده، قندهارده بیر یېتتی یاشر باله نینگ عایله‌سی، اۉغلینی درسگه کېچ قالگنی اوچون ۷۰ دره اوریلگنینی ایتگن اېدی. عکس العمللر آرتیدن، طالبان نینگ بدخشانده گی امر به معروف مسئوللری، تخار نینگ رستاق ولسوالی سیده ایکی ییل آلدینگی بیر باله نی دېپکیلش دوسیه سینی تیکشیریاتگنلیکلرینی ایتگنلر.
منبع: افغانستان اینترنشنل
🌐
