کابلده گی محلی منبعلر، اوشبو ولایت نینگ قره باغ ولسواللیگی شفاخانه سی نینگ جدی مراقبت بۉلیمیدن بیر اۄغیل چقه لاق نینگ یوقالیب قالگنیدن خبر بېرگنلر. بو واقعه، دولتی ساغلیک نی سقلش مرکز لریده گی خوفسیزلیک باره سیده جدی خواطر لرنی یوزگه کېلتیرگن.
۸صبح روزنامه سی نینگ گزارشیگه کۉره، منبعلر سه شنبه کونی، ۷ میزانده، سزارین عملیاتی آرقه لی دنیاگه کیلگن بو چقه لاق نینگ، توغیلیشیدن فقط بیر نیچه ساعت سۉنگ شفاخانه ایچیدن اۄغیرلنگنینی ایتگنلر. ایتیلیشیچه، نامعلوم کیشیلر اونی چقه لاقلرنی جدی مراقبت قیلیش بۉلیمیدن (NICU) اۄغیرلب کیتگنلر.
بو واقعه آرتیدن، چقه لاق نینگ آنه سی نینگ ساغلیک وضعیتی آغیر ایکنلیگی گزارش قیلینگن. منبعلر نینگ ایتیشیچه، او اۄز فرزندی نینگ یوقالیب قالگنی خبرینی اېشیتگندن سۉنگ، قتّیق شوککه توشگن و وضعیتی خواطرلی دیر.
قره باغ ولسواللیگی نینگ شفاخانه سی مسئوللری و طالبان نینگ محلی مقاملری حاضرگچه بو اۄغیرلیک نینگ قنده‌ی یوز بېرگنی و اوشبو ساغلیک مرکزیده گی خوفسیزلیک تدبیرلری حقیده رسمی روشده هیچ قنده‌ی فکر بیلدیرمه گنلر. مسئوللر نینگ جواب قیترمسلیگی، عایله و عامه فکر نینگ خواطرینی کوچه یتیرگن.
بو واقعه، سونگگی آیلرده افغانستان نینگ تورلی نقطه لریده باله لرنینگ یوقالیب قالیشی واقعه لری کۉپه یگنی حقیده گی گزارشرلر بیریلگن بیر پیتده یوز بیرماقده. شو بیلن بیرگه، بیر شفاخانه نینگ جدی مراقبت بۉلیمیدن بیر چقه لاق نی اۄغیرلش، کم سابقه و تکان بېرووچی بیر واقعه دېب توصیفلنگن.
بو حادثه، دولتی شفاخانه لرده گی خوفسیزلیک تدبیرلری حقیده جدی سواللرنی اورته گه قۄیماقده، بو جایده کسللر و اولرنینگ عایله لری ازلرینی خوفسیز حس قیلیشلری کیره ک. باله حقوقی فعاللری بو باره ده تیزلیک بیلن و شفاف تیکشیروو آلیب باریلیشی و بو واقعه عامللری نینگ قولگه آلینیشینی طلب قیلماقده لر.
محلی جامعه مقاملردن جواب و بو چقه لاق نینگ تقدیری روشن بۉلیشینی کوتماقده. بو واقعه، جامعه نینگ اینگ zaif اعضاسی یعنی چقه لاقلرنی درمانی محیط لرده محافظه قیلیش اوچون جدی بیر خطر قو نغیراغی دیر.
منبع: ۸صبح روزنامه سی
🌐
