هه‌نگاو انسان حقوقلری تشکیلاتی، ایران اسلامی جمهوریتی نینگ تورات محمدی اسملی ۴۲ یاشر افغان وطنداشی و سپاه پاسداران نینگ سابق اعضاسینی جاسوسلیک اتهامی بیلن اعدام قیلگنینی گزارش بیردی.
پنجشنبه کونی، ۱۰ میزان ده ترقه تیلگن بو گزارشگه اساساً، اوشبو افغان زندانی چهارشنبه ایرته لب، ۱ میزان (۲۳ سپتامبر) ده کرج زندانیده یاشیرین روشده و عایله سیگه خبر بیرمسدن اعدام ایتیلگن. جناب محمدی اویلی، تۉرت فرزندی بار اېدی و تخمیناً ایکّی ییل زندانده یاتگن اېدی.
هه‌نگاو اۉز منبع لریگه اساسلنیب یازیشیچه، بو کیشی قولگه آلینیشیدن آلدین، سپاه پاسداران گه باغلیق ارگان لردن بیریده فعالیت قیلگن. او تخمیناً ایکّی ییل آلدین قولگه آلینیب، ییتّی آی دوامیده سپاه پاسداران نینگ استخباراتیده گی بیر امنیتی توقیف گاهده آغیر تیکشیروو آستیده بۉلگن.
بو گزارشگه بناً، اوشبو زندانی حکم اجرا ایتیلیشیدن آلتی کون آلدین کرج مرکزی زندانیگه انتقال بیریلگن اېدی. اونینگ اعدام حکمی عایله سی و وکیلیگه آلدیندن خبر بیرمسدن و او اۉز خاتینی و باله لری بیلن سۉنگگی اوچره شوودن محروم قالگن حالده اجرا ایتیلگن.
ایرانده افغان وطنداش لرینی اعدام قیلیش سۉنگگی ییل لرده سیزیرلرلی درجه ده کۉپه یگن. انسان حقوقلری نهاد لری تامانیدن ییغیلگن معلومات لرگه کۉره، اوتگن اوچ ییل ایچیده ایرانده ۱۹۰ گه یقین افغان وطنداشی اعدام ایتیلگن.
بو آمار ۲۰۲۴ ییلده ۸۰ کیشی، ۲۰۲۵ ییلده ۸۴ کیشی و جاری میلادی ییلی (۲۰۲۶) نینگ باشیدن بیری ۲۳ کیشینی اۉز ایچیگه آله دی. بو جریان ایرانده گی افغان پناهنده و مهاجر لری نینگ حقوقی و انسانی وضعیتی حقیده جدی تشویش لرنی توغدیرگن.
منبع: هه‌نگاو انسان حقوقلری تشکیلاتی
🌐
