افغانستان ملی مقاومت جبهه سی، بغلان ولایتی نینگ فرینگ ولسوالیسیده بیر هجومده طالبان نینگ اوچ اعضاسینی اۉلدیرگنینی و باشقه ایکّی کیشینی یره له گنینی ادعا قیلماقده.
بو جبهه پنجشنبه کونی، بو هجوم نینگ چهارشنبه کېچه سی ساعت ۱۱ اطرافیده، ۸ میزان ده، فرینگ ولسوالیسیده یوز بیرگنینی اعلان قیلدی. بو عملیات، اوتگن زمان لرده هم ایکّی تامان آره سیده توقنشوولرگه شاهد بۉلگن بیر منطقه ده بولیب اوتگن.
مقاومت جبهه سی نینگ اعلامیه سیگه اساساً، بو جبهه نینگ کوچ لری موفقیتلی عملیاتدن سۉنگ، اۉز پایگاه لریگه قیتیب کیلگنلر. بو اعلامیه ده مقاومت جبهه سی نینگ اۉز کوچ لری نینگ احتمالی تلفاتلری حقیده معلومات بیریلمه گن.
طالبان حکومتی نینگ مقام لری هلی گچه بو هجوم و اونینگ تلفاتلری حقیده گی ادعا گه مناسبت بیلدیرمه گن. مستقل منبع لر هم بو واقعه نینگ جزئیاتینی و اونینگ تلفاتلری نینگ انیق سانی نی فوری تأییدلشگه قادر ایمسلر.
افغانستان نینگ شمالیده گی بغلان ولایتی، سۉنگگی ییل لرده طالبان و مقاومت جبهه سی کوچ لری آره سیده گی توقنشوولرنینگ اساسی مرکز لریدن بیری بۉلگن. اندراب، نهرین، ده‌صلاح ولسوالی لری و اطرافیده گی منطقه لر کوپ مرته طالبان گه مخالف کوچ لرنینگ عملیات لری و بو گروه نینگ قرشی عملیات لری صحنه سی بۉلگن.
ملی مقاومت جبهه سی آلدین هم بغلان نینگ مختلف قسم لریده طالبان موضع لریگه قرشی کوپلب هجوم لر اویوشتیرگنینی خبر بیرگن اېدی. باشقه تاماندن، طالبان هم اوتگن آی لرده بو ولایتده اۉز کوچ لری نینگ عملیات لریده اوشبو جبهه نینگ بیر قطار اعضاسی و قوماندان لری نینگ اۉلدیریلگنینی گزارش بیرگن.
منبع: ملی مقاومت جبهه سی
🌐
