طالبان نینگ بیر اعضاسی بریتانیالیک بیر سیاح بیلن صحبتده، پنجشیر ولایتیده بیر کونده افغانستان ملی مقاومت جبهه سیگه عضو بۉلگنلیک عیبی بیلن ۱۴ کیشینی اۉلдирگنینی اعتراف قیلگن. بو اعتراف ویل بیلی اسملی بیر محتوا ایشلب چیقرووچی تامانیدن یوتیوب ده ترقه تیلگن ویدیو ده ثبت ایتیلگن.
جناب بیلی بو ویدیو نی دوشنبه کونی، ۶ میزان ده، «دنیا نینگ اینگ خطرناک مملکتیده ۴ کون» عنوانی آستیده نشر قیلدی. او بو ویدیو ده طالبان اعضالری بیلن افغانستان نینگ بیر نیچه ولایتیگه سفر قیله دی، کلاشنکوف بیلن اوق اوزه دی و تلاشی پوسته‌لریده اولر بیلن اوروش، قورال و شخصی حیاتلری حقیده گپله شه دی.
ویدیو نینگ بیر قسمیده، اوشبو طالب عضوی مکتبدن سۉنگره ننگرهارده بیر دینی مدرسه گه قۉشیلگنی حقیده توضیح بېره دی و او یېرده حربی و «جهادی» تعلیمات درس نینگ بیر بولیمی ایکنینی ایته دی. او شونینگدیک کونر ولایتیده داعش گروهی بیلن اوروشگنی نی هم ایسلب اوتدی و بو گروه بیلن اوروشنی امریکالیک کوچلر بیلن اوروشدن کۉره قیینراق دیب تعریفله دی.
اونینگ ایتیشیچه، داعش عقیده اساسیده اوروشه دی، حال بوکه امریکالیک عسکرلر معاش آلیش و اویگه قیتیش اوچون اوروشردی. اوشبو طالب عضوی نینگ قۉшимچه قیلیشیچه، ننگرهارده گی اوروشلرنینگ بیریده محاصره ده قالیب و ایاغیدن یره لنگن.
اولدیریشگه نسبتن قره شی حقیده گی سۉراغگه جواب بېرگن پیتده، او شخصی دشمنلیکدن کیلیب چیققن قتل بیلن «اسلامنی قبول قیلمه‌گنلر بیلن اوروش» آره سیده فرق قۉیدی و غیر مسلمانلرنی اولدیریشنی بیر تاووقنی اولدیریشگه اوخشتدی.
ویل بیلی اوندن شخصاً نیچه کیشینی اولدیرگنینی سۉره گنده، او جواب بېردی: «بیر مرته پنجشیرده ۱۴ کیشینی اولدیردیم.» طالبان نینگ ترجمانی، بو کیشیلر داعش اعضاسی می دیگن سۉراغگه، «یۉق، اولر افغانستان ملی مقاومت جبهه سی نینگ اعضالری اېدی» دیب جواب بېردی.
طالبان ۱۴۰۰ نچی ییل اسد آییده افغانستانده تکرار حاکمیتنی قولگه کیریتگندن سۉنگ، پنجشیر ولایتی احمد مسعود رهبرلیگیده گی قوراللی مقاومت نینگ اساسی مرکزیگه ایلندی. خلق ارا حقوق بشری تشکیلاتلر کۉپ مرته طالبان حکومتینی بو ولایتده محکمه سیز قتللر، اۉز باشیمچه لیک بیلن حبسگه آلیشلر و تینچ اهالینی قیناققه سالیشده عیبلب کیلگن.
منبع: رسانه ای گزارشلر
🌐
