افغانستان ملی برق شرکتی (برشنا) بدخشان ولایتی نینگ چېگره منطقه لریگه برق تامین لش اوچون بیر تاجیکستان شرکتی بیلن کیلیشوو امضالگنینی اعلان قیلدی. اوشبو قرارداد «پامیر انرژی» شرکتی بیلن تاجیکستان پایتختی دوشنبه شهریده امضالندی.
طالبان کنترولی آستیده فعالیت قیله یاتگن برشنا، شنبه کونی، ۱۱ میزان ده، بیر خبرنامه ده اوشبو کیلیشوو طالبان تامانیدن بو شرکت نینگ رئیسی عبدالحق همکار و پامیر انرژی رئیسی امیرخان رحیم تامانیدن امضالنگنینی ایتدی. شونینگدیک، بو شرکت بدخشان مرکزیگه ۱۱۰ کیلوولت لیک برق انتقال لینی نینگ قراردادینی اوزه‌یتیریش حقیده هم صحبتلر بۉلگنینی قۉшимچه قیلدی.
خبرنامه گه کۉره، پامیر انرژی شرکتی برشنا شرکتی نینگ برق تامین لش و قرارداد لرنی اوزه‌یتیریش بۉییچه باشقه تکلیف لرینی هم کۉриб چیقیشگه وعده بېرگن. طالبان بو کیلیشوو نینگ امضالنیشینی ایککی تامانلمه همکارلیکنی کینگه‌یتیریش و مملکت نینگ برق تاميناتی یۉلیده مهم بیر قدم دیب بهاله گن.
افغانستان اۉز ضرورتی بۉلگن برق نینگ تقریباً ۷۵ فایزینی قۉشنی مملکتلردن، خصوصاً اورته آسیا مملکتلریدن وارد قیله دی و بو وارداتگه جوده بغلیق دیر.
برشنا شرکتی ۸ میزان تاریخیده تاجیکستاندن افغانستانگه صادر قیله دیگن برق مقدارینی آشریشنی سۉره گن اېدی. بو درخواست اوشبو شرکت رئیسی بیلن تاجیکستان برق شرکتی رئیسی محمد عمر اسوزاده اوچره شوویده مطرح ایتیلگن اېدی.
گزارشلرگه اساسن، تاجیکستان ۲۰۲۶ نچی ییل نینگ بیرینچی آلتی آییده افغانستانگه تقریباً ۷۰۲ میلیون کیلووات ساعت برق صادر قیلگن که، بو بیلن افغانستان اوشبو مملکت نینگ برقینی اینگ کته خریدارلریدن بیریگه ایلنگن.
منبع: برشنا شرکتی
🌐
