یمن نینگ قانونی دولتی، ایران اسلامی جمهوریتی تامانیدن حمایت قیلینه‌دیگن حوثی‌لر کنترولی آستیده گی منطقه‌لرنی قیتیب آلیش اوچون بیر حربی قرشی هجوم باشله‌گنینی اعلان قیلди. بو عملیات امریکا قۉشمه ایالتلری و سعودی عربستان نینگ استخباراتی و حربی حمایتی بیلن عملگه آشیریله‌دی.
یمن نینگ جمهور رئیس لیک کینگشی نینگ رئیسی رشاد العلیمی، یکشنبه کونی، ۱۲ میزانده، بیر نطقی‌ده بو عملیات نینگ باشلنگنینی رسماً اعلان قیلди. او نینگ ایتیشیچه، بو عملیات نینگ مقصدی «قالگن منطقه‌لرنی قیتیب آلیش و دولت حاکمیتی نی بوتون یمن بویلب کینگه‌یتیریش» دیر و بو قرار کېسکینلیکنی کمه‌یتیریش اوچون برچه فرصت لر توگه گندن سۉنگ آلینگن.
بو اقدام، رویترز خبر آژانسی نینگ غربی و منطقوی منبعلرگه تیه نیب، سعودی عربستان نینگ حوثی‌لرگه قرشی بیر حربی عملیات اوچون تیارگرلیک کۉره یاتگنی حقیده خبر بېرگنیدن بیر نیچه کون سۉنگ عملگه آشیریلماقده. اوشبو عملیات نینگ مقصدی، قزل دېنگیزده کېمه چیلیک یۉلینی تأمینلش و ساحلی منطقه‌لر و استراتیژیک باب المندب تنگه‌سینی قیتیب آلیش دیب ایتیلگن اېدی.
اکسیوس وب سایتی هم، ییللردن بویان حوثی‌لر کنترولیده بۉلگن یمن پایتختی صنعانی قیتیب آلیش، و باب المندب تنگه‌سی اوستیدن تولیق نظارت نی اۉرنه تیش بو قرشی هجوم نینگ اساسی مقصدلریدن ایکنینی گزارش قیلگن. بو تنگه، خلق ارا تجارت و سعودی عربستان نینگ نفت صادراتی اوچون حیاتی بیر یۉل سنه له‌دی.
بو گزارشگه کۉره، یمن دولتی و سعودی عربستان هفته‌لردن بویان بو عملیات اوچون برنامه لشتیریب کیلگنلر. یمن دولتیگه وفادار اون مینگلب یېر کوچلری بو عملیاتده اشتراک اېته یاتگنی و سعودی عربستان اردوسی اساساً هوا پوششی و حوثی‌لرنینگ موضع لرینی هدف گه آلیش مسئولیتی نی اۉз اوستیگه آلگنی ایتیله
ди.
حوثی‌لر و اولرنینگ حمایه چیسی، ایران اسلامی جمهوریتی نینگ باب المندب گه یقین ساحلی منطقه‌لر اوستیدن حاکمیتی، اولرنینگ قۉلیگه مهم بیر باسم اهرمی نی بېرگن. هرمز تنگه‌سیده گی کېمه چیلیکده گی سونگگی تۉسیقلرنی نظره توتگنده، بو یۉل نینگ استراتیژیک اهمیتی آلدینگیدن هم کۉپراق آشگن.
منبع: اکسیوس، رویترز
🌐
