پاکستان اردوسی نینگ هلمند و کنر ولایت لریده گی ایریم منطقه لرگه قیلگن هوا هجوم لریدن بیش کون اوتیشی بیلن، طالبان حکومتی «حسابلنگن جواب» وعده سیگه قره‌می، هنوزگچه اسلام آبادگه قرشی هیچ قندهی آشکار حربی اقدام قیلمه‌دی. طالبان مقام لری بو هجوم لرنینگ ایلکینچی ساعت لریده «انتقام» آلیشدن سوز یورگیزگن ایدی.
بیرلشگن ملت لر تشکیلاتی نینگ گزارشی اساسیده، بو هجوم لرده کمیده ۱۰ تینچ اهالی، که کوپینچه‌سی باله لر ایدی، هلاک بولیب و باشقه ۹ کیشی یره لنگن. بونگه قرشی، پاکستان اردوسی، پاکستان طالبان تحریکی (تی‌تی پی) و بلوچستان آزادی اردوسی (بی ایل اې) نینگ یشیرینیش جای لرینی هدفگه آلگنینی و ۲۲ جنگری نی اولدیرگنینی ادعا قیلدی؛ بو ادعا طالبان تامانیدن شدت بیلن رد ایتیلدی.
طالبان تشقی ایشلر وزیرلیگی بو واقعه گه عکس العملده، کابلده گی پاکستان ایلچیخانه‌سی نینگ ایش یوریتووچیسینی چقیریب، اوشبو «تجاوز و افغانستان هوا حریمی نی بوزیش» گه نسبتن اوز شدید اعتراضی نی بیلدیردی. طالبان سوزلاوچی لری بو هجوم لرنی ملی حاکمیت نی بوزیش دیب атаб، حتمی جواب بیریلیشیگه تاکید قیلگن ایدیلر.
بو، پاکستان نینگ افغانستان توپراغی ایچیده هوا هجوم لری اویوشتیرگن بیرینچی مرته ایمس. ۲۴ سپتامبر ده هم قندهار، پکتیا و خوست ولایت لریده گی منطقه لر هدفگه آلینگن ایدی. بو هجوم لرنینگ اهمیتی، اینیقسه قندهارده، اوشبو ولایت نینگ طالبان نینگ اساسی قدرت مرکزی و اولرنینگ رهبری نینگ استقامت قیله‌دیگن جایی بولگنی اوچون ایدی.
طالبان نینگ حاضرگی حربی سکوتی، بو گروه نینگ پاکستانگه توغریدن توغری حربی جواب بیریش توانایی سی بارمی دیگن سوال نی اورته گه تشله‌گن. خوفسیزلیک بوییچه تیکشیروвчи جواد بردیا، افغانستان اینترنشنل گه، ایکّی تامان نینگ حربی توانایی لری آره‌سیده گی کتّه تفاوت، طالبان نینگ اوزینی توتیب توریشی نینگ اساسی سبب لریدن بیری ایکنینی ایتگن.
اونینگ سوزیگه کوره، طالبان کوچلری چریکی اوروش لرده کینگ تجربه گه ایگه، لیکن حاضر بیر حکومت صفتیده، بیر کلاسیک و تجهیزلنگن اردو بیلن یوزمه یوز دیر. مهم هوا کوچلریگه ایگه بولگن بیر اردو بیلن توغریدن توغری اوروش گه کیریش، طالبان اوچون جوده آغیر خرجت لرگه سبب بولیشی ممکن. جناب بردیا، هر قندهی شتابزده حربی اقدام، پاکستان نینگ کینگراق هجوم لری اوچون زمینه یره تیشی ممکن دیب ایشانه‌دی.
منبع: Afghanistan International
🌐
