کینیا ساغلیقنی سقلش وزیرلیگی سه شنبه کونی مملکتده اېبولا ویروسیدن بیرینچی اۉلیمنی تصدیقله دی. قربان، کونگو دموکراتیک جمهوریتی دن نایروبی گه سفر قیلگن بیر کینیالیق وطنداش بولیب، دوشنبه آخشام بیر شفاخانه ده جان بېرگن.
ساغلیقنی سقلش مقام لری، حاضرگچه بو شخص بیلن یقین علاقه ده بولگن ۲۸ کیشی نی انیقلب و نظارت آستیگه آلگن لرینی اعلان قیلدیلر. بو اقدام، کینیا پایتختیده ویروس نینگ کوپراق یاییلیشینی آلدینی آلیش اوچون عملگه آشیریلگن.
کینیا ساغلیقنی سقلش وزیری، آدن دواله، بیر خبر کنفرانسیده ایتدی که، بو مریض تخمیناً بیر آی کسللیکدن سۉنگ، قوروقلیک یولی آرقه لی اوگاندا پایتختی کامپالا گه باریب و کېین شنبه کونی بیر ایچکی اوچاق بیلن نایروبی گه ییتیب کیلگن. اونینگ ایتیشیچه، مریض نایروبی خلق ارا هوا میدانی ده ساغلیق غربالگری مرحله لریدن اۉتگن اېدی.
ساغلیقنی سقلش وزیرلیگی نینگ یوکسک مرتبه لی مقام لریدن بیری، پاتریک آموت، توضیح بېریب ایتدی که، احتمالاً مریض ایشلتگن دارولر، هوا میدانی ده غربالگری پَیتیده تب کبی کسللیک علامت لرینی یاشیرگن. مریض نینگ عایله سی، اونینگ وضعیتی یامانلشگنیدن سۉنگ، اونی نایروبی شفاخانه سیگه آلیب بارگنلر.
کینیا ساغلیقنی سقلش وزیرلیگی اعلان قیلدی که، متوفی نینگ جسدی، اېبولا قربان لرینی خوفسیز کۉمیش اوچون مخصوص دستورعمل لرگه موافق روشده توپراققه تاپشیریله دی تا که ویروس نینگ یوقیش خطری نینگ آلدینی آلینسین. بو وزیرلیک، می آیی دن و شرق کونگو ده اېبولا نینگ باشلنیشی بیلن، ساغلیق آگاهلیک سویه سینی یوقاری سقلب کیلگنینی تأکیدله دی.
شرقی کونگو دموکراتیک جمهوریتی ده اېبولا نینگ حاضرگی شیوعی، حاضرگچه ۸ مینگدن آرتیق کیشی گه یوقیب و ۴ مینگدن آرتیق کیشی نینگ اۉلیمیگه سبب بولگن. اېبولا، یوقوملی شخص نینگ بدن سوюк لیک لری بیلن تۉغریدن تۉغری تماس آرقه لی یوکه دیگن، جوده یوقوملی و اۉلدیرووچی بیر ویروسلی کسللیک دیر.
منبع: Zarin TV
🌐
