عفو خلق ارا تشکیلاتی نینگ یوکسک مرتبه لی مدیرلریدن بیری بولمیش اریکا گووارا روساس، خلق ارا جنایی محکمه (ICC) نینگ طالبان نینگ یوکسک مرتبه لی مقام لرینی قولگه آلیش اوچون چیقَرگن اخیرگی حکمی نی «خلق ارا عدالت اوچون بیر بوریلیش نقطه سی» دېب توصیفله دی. او، جنسیتی آپارتایدنی اجرا قیلووچیلر و خاتین-قیزلرنی آزار بېرووچیلر جزادن معاف قالمه سلیکلری کېره
ک لیگینی تأکیدله دی.
عفو خلق ارا تشکیلاتی نینگ تیکشیروو و سیاستگذاری بۉلیمی نینگ باشلیغی بولمیش خانم گووارا روساس، اکس اجتماعی ترماغی ده، خلق ارا جنایی محکمه سی نینگ بو حکمی، جنسیتی آزار و اذیت نینگ فقط فیزیکی زوروانلیک عمل لری بیلن چېکله نیب قالمه سلیگینی آیدینلشتیریشینی یازدی.
او قۉшимچه قیلیشیچه، بو آزار و اذیت، سیستماتیک شکلده و تبعیضلی جنسیتی هنجارلرنی تحمیل قیلیش آرقه لی هم عملگه آشیریلیشی ممکن؛ بو هنجارلر، افراد نینگ حقوق، ایرکینلیک و اختیارلرینی اساساً تارتیب آلیش مقصدی بیلن طرحه لنگن. محکمه نینگ بو یانداشووی، بشریت گه قرشی جنایت نینگ کینگراق بیر تعریفینی تقدیم ایته دی.
عفو تشکیلاتی نینگ بو مقامی، بو حکم نینگ فقط افغانستان اوچون ایمس، بلکه اونینگ چېگره لریدن تشقری اوچون هم اهمیتلی ایکنینی آچیقله دی. او، طالبان حاکمیتی آستیده گی افغانستان نینگ وضعیتی گه تۉغریدن-تۉغری اشاره قیلیب، تحمیل قیلینگن جنسیتی هنجارلردن باش تارتیش جنایت ایمس، بلکه بو هنجارلردن باش تارتگنلیک اوچون افرادنی سیستماتیک آزار و اذیت قیلیش جنایت سنله دی دېب ایتدی.
اریکا گووارا روساس سۉنگیده، شونده ی تبعیضلی سیاستلر و جنسیتی تینگ سیزلیکنی اجرا قیلیش مسئول لری و آمرلری نینگ خلق ارا قانون لر آلدیده جواب بېریش لری کېره
ک لیگینی و بو حکم اولرنی جوابگرلیککه تارتیش یولیده بیر مهم قدم ایکنینی تأکیدله دی.
بو واکنش، خلق ارا جنایی محکمه سی نینگ ایککینچی محاکمه آلدیدن بۉلیمی تامانیدن، بشریت گه قرشی جنایت، خصوصاً خاتین-قیزلرگه قرشی جنسیتی آزار و اذیت عیبلاوی بیلن، اوچ یوکسک مرتبه لی طالبان مقامی اوچون قولگه آلیش حکمی چیقاریلگنیدن سۉنگ یوز بېردی.
منبع: Zarin TV
🌐
