سعودی عربستان نینگ هواچیلیک اداره سی سه شنبه، ۱۳ میزان کونی، مملکت نینگ ایککی خلق ارا هوا میدانی نینگ هجومگه دوچ کیلگنینی و نتیجه ده اوچ کیشی نینگ آزراق یره لنگنینی اعلان قیلدی. بو هجوم لر جازان ده گی ملک عبدالله خلق ارا هوا میدانی و نجران ده گی نجران خلق ارا هوا میدانی نی هدف قیلیب آلگن.
بو بیانات شونده ی بیر حالده نشر ایتیلماقده که، یمن نینگ حوثی لری آلدینراق سعودی عربستانده بیر نیچه نقطه، جمله دن ریاض ده گی ملک خالد خلق ارا هوا میدانی، ابها هوا میدانی و آرامکو نینگ بیر تصفیه خانه سینی هدف قیلیب آلگن لیکلرینی اعلان قیلگن اېدیلر. گرچه سعودی بیانیه سی فقط جازان و نجران هجوم لریگه اشاره قیلگن.
بو حادثه لرگه جواب اوله راق، اروپا کمیسیونی نینگ رئیسی اورزولا فون در لاین، بو هجوم لرنی شدت بیلن قاره له دی. او ایتدی که، ایران جمهوریتی حمایه سیده گی حوثی لرنینگ سعودی عربستان زیربنا لریگه هجوم لری، منطقه ده گی بی ثبات لیکنی کوچه یتیریب و جهان انرژی خوفسیزلیگینی ضعیفلشتیره دی.
خانم فون در لاین اکس اجتماعی ترماغی ده یازدی: «بو هجوم لر منطقه نی ینه ده بی ثبات قیلماقده، کوپراق خشونت گه سبب بولماقده و جهان انرژی خوفسیزلیگینی ضعیفلشتیرماقده.»
اروپا کمیسیونی نینگ رئیسی، سعودی عربستان و فارس خلیجی ده گی باشقه اروپالی شریک لری بیلن تولیق همبسته‌لیک اعلان قیلیب، قۉشیمچه قیلدی: «بیز سعودی عربستان و خلیج ده گی شریک لریمیز بیلن همبسته
لیکده میز.»
او شونینگدیک، منطقه وی خوفسیزلیک نینگ بو آی نینگ آخرلریده خلیج همکارلیک کینگشی بیلن بولیب اۉته دیگن کیله جک گپله شولرده اساسی موضوع لردن بیری بوله جگینی اشاره قیلدی. بو هجوم لر بیر مرته ینه اورته شرق منطقه سیده گی تیره نلیک لرنی آشیریب و انرژی یول لری نینگ خوفسیزلیگی حقیده گی تشویش لرنی کوچه یتیردی.
منبع: Zarin TV
🌐
