بیرلشگن ملتلر تشکیلاتی ده افغانستان نینگ دایمی نماینده‌لیگی نینگ سرپرستی، نصیر احمد فایق، اوشبو تشکیلاتده ییغیلیشده تاکیدله دی که، «یخشی» و «یمان» تروریستلر آره‌سیده هیچ قنده ی فرق بۉلمسلیگی کېره ک و تروریزم نینگ بوتون شکللری قاره لنیشی لازم.
جناب فایق، «خلق ارا تروریزم نی یۉق ایتیش اوچون تدبیرلر» حقیده بیرلشگن ملتلر عمومی اسمبله سی آلتینچی کمیته سی نینگ ییغیلیشی ده صحبت قیلیب، افغانستان خلقی تروریزم و افراطی گروه لردن وکالتی کوچلر صفتیده فایده لنیشدن چوقور رنج چېکگنینی ایتدی.
او قۉشیمچه قیلدی: «بیز تروریزم نی قاطعانه قاره له‌ی میز، قه ییرده و کیم تامانیدن عملگه آشیریلسه هم. هیچ قنده ی سیاسی مقصد، ایدیولوژیک ادعا یاکه دینی توجیه، تروریستیک زوروانلیک نی آقلَی آلمه‌یدی.»
افغانستان نماینده‌لیگی نینگ سرپرستی، طالبان نینگ حاکمیتی آرتیدن یوز بېرگن وضعیت گه اشاره قیلیب، بیر مشروع حکومت یۉقلیگیده، «افراطگرچیلیک و تروریزم» افغانستان و منطقه اوچون جدی تهدیدلرگه ایلنگنینی ایتدی. او، بیرلشگن ملتلرنینگ افغانستانده تروریستی گروه لرنینگ حضوری و فعالیتی نی سندلشتیرگن کۉپلب گزارشلریگه اساسلنیب، بو توغریده طالبان نینگ جواب بېریشینی طلب قیلди.
جناب فایق شونینگدېک، تروریزم بیلن کوره ش بهانه‌سیده افغانستان توپراغیگه پاکستان نینگ قیله یاتگن هجوملرینی «غیرقانونی» دیب اته دی و «تروریزم گه قرشی کوره ش غیرقانونی هجوملر یاکه تینچ اهالی نینگ حیاتیگه اعتبارسیزلیک نی آقلَی آلمه یدی» دیب تاکیدله‌دی.
او خلق ارا جامعه دن، افغانستان خلقی نینگ اراده سیگه اساسلنگن بیر مشروع، جوابگر و همه شمول حکومت نی حمایت قیلیشنی سوره‌دی. جناب فایق سۉزینی آخریده، تروریزم گه قرشی کوره ش نینگ موثر بیر یانداشووینی بیر قسمی صفتیده خاتین-قیزلرنینگ حقوقلرینی تیکلش و اولرنینگ تولیق اشتراکی نی تضمینلش اوستیگه تاکید قیلди.
منبع: Zarin TV sources
🌐
