حزب اسلامی رهبری گلبدین حکمتیار، روسیه، هند و ایران مملکتلرینی افغانستانگه نسبت ایکی یوزلمه سیاست آلیب باریشده عیبلب، اولردن «ایکی یوزلمه اۉیینلر» نی تشلشنی سۄره دی. او چهارشنبه کونی اکس اجتماعی ترماغیده، بو مملکتلر «کۉپ تابعیتی گروه لر» نی قوللب قوتلش اۄرنیگه، افغانستان خلقی نی حمایت قیلیشلری کیره ک لیگینی یازدی.
حکمتیار ادعا قیلدی که، بو اوچ مملکت اۄتمیشده امریکا گه افغانستان نی «اشغال» قیلیشده یاردم بېرگن اېدی و حاضر هم امریکا منفعتلریگه ماس سیاستلرنی دوام اېتتیرماقده. او بو مملکت لردن افغانستان خلقی و تینچلیک جریانی یانیده توریشلرینی طلب قیلدی.
بو، حزب اسلامی رهبری نینگ بونده‌ی بیر موضع آلگنی بیرینچی مرته اېمس. او بوندن آلدین هم طالبان نینگ بیرینچی حاکمیتی دوریده بو مملکت لرنینگ طالبان مخالف لری بیلن یقینلیگیدن خواطر بیلدیرگن اېدی. اونینگ ادعاسیگه کۉره، بو مملکتلر ۱۳۷۰ نچی ییللرده شمال متحد جبهه سینی حربی و سیاسی جهتدن حمایت قیلگنلر.
جناب حکمتیار شونینگدیک، طالبان حکومتی نینگ تشقی سیاستی نی تنقید قیلیب، بو گروه نینگ، اۉز ادعالری نینگ عکسیده، خلق ارا سویه‌ده هیچ بیر استوار و ایشانچلی متفقی یۉق لیگینی ایتدی. او عینِ پیتده ینه بیر بار، قدرت انحصاری نی تنقید قیلیب، صحبت و سیلاولر یۉلی بیلن بیر کینگ قمرةالی حکومت تشکیل بۉلیشی ضرورتی نی تاکیدله دی.
بو بیانانلر شونده‌ی بیر حالده بیریلماقده که، مسکو، بیجینگ و تهران سونگگی ییللرده طالبان بیلن اۉز مناسبت لرینی اهمیتلی درجه ده کینگه‌یتیرگن. روسیه طالبان حکومتی نی رسمًا تانیگن، هند اقتصادی علاقه‌لرینی آشیریب، ایران ایسه رسمی تانیمه‌گن بۄلسه-ده، کابل بیلن کینگ دیپلوماتیک و تجاری علاقه‌لرگه اېگه.
منبع: Zarin TV
🌐
