ایران اسلام انقلاب سپاه پاسداران قۉشینی هرمز تنگه سیدن اۉتیش پیتیده اۉز رهبرلیک سیستم لرینی اۉچیریب قۉیه دیگن کېمه لرگه جدی آگاهلنتیروو بیردی. سپاه پاسداران گه یقین بولگن تسنیم خبر آژانسی، یکشنبه آخشامی، ۱۱ اکتوبرده، بونده‌ی بیر ایشگه قۉل اورگن کېمه لر بیلن «متخاصم» یاکه دشمن صفتیده معامله قیلینیشینی گزارش بیرگن.
گزارش گه اساساً، بو آگاهلنتیروو مشخص روشده استراتیژیک هرمز تنگه سی حدودیده تګ راتګ قیله دیگن برچه تجاری و حربی کېمه لر اوچون صادر ایتیلگن. سپاه پاسداران، اوتوماتیک تانیش سیستم لری (AIS) و باشقه رهبرلیک تجهیزاتلرینی اۉچیریب قۉییش، دېنگیز امنیتی نی خطرگه تشله شینی و بو غیرقانونی یاکه خصمانه فعالیتلر اوچون بیر پرده صفتیده کۉریلیشی ممکن لیگینی تأکیدله گن.
اوشبو ایران حربی اداره سی، سیستم لری اۉچیک حالتده انیقلنگن هر قنده‌ی کېمه، بیر احتمالی تهدید صفتیده کۉریلیشی و «قطعی جواب» بیلن روپه ره بولیشی نی معلوم قیلگن. بو آگاهلنتیروو، دنیا نینگ نفت تشیش اوچون اینگ مهم سوو یۉللریدن بیریده کېسکینلیکلرنینگ آشیب کیتگن بیر پیتده صادر ایتیلماقده.
سونگگی بیر نیچه هفته جریانیده، بو منطقه ده سپاه پاسداران تامانیدن کېمه لرنینگ توقیف ایتیلیشی و هجومگه اوچره شی خصوصیده گی گزارشلر ترقه لگن. ایران هرمز تنگه سی نینگ خلق ارا سوولرده جایلشگن جنوبی یۉلینی رسمیتگه تانیمَیدی و برچه کېمه لرنینگ اوشبو مملکت نینگ جدی کنترولی آستیده گی شمالی یۉلدن اۉتیشینی تأکیدله یدی.
ایران نینگ بو موضعی خلق ارا دېنگیزچیلیک قانونلریگه ضد دیر و کېمه چلنتیریش شرکتلری و انرژی مصرف قیلووچی مملکتلر اوچون خواطرلر توغدیرگن. امریکا قۉشمه ایالتلری و اونینگ اتفاقداشلری، دېنگیزچیلیک ایرکینلیگینی تضمینلش اوچون منطقه ده اۉز حربی حضورلرینی سقلب قالگنلر.
سپاه پاسداران نینگ بو ینگی آگاهلنتیریشی، اوشبو حیاتی سوو یۉلی اوزره کوپراق حاکمیت اورنه تیش و خلق ارا کوچلرنینگ حضوری نی چیلنج قیلیش اوچون بیر سعی و حرکت صفتیده کۉریلیشی ممکن. بو ایش یقین کېله جکده ایران کوچلری و خلق ارا کېمه لر آره سیده خطرناک تۉقنشوولر احتمالینی کوتره دی.
منبع: تسنیم
🌐
