امریکا قوراللی کوچ لری نینگ اسقفی تیموتی بروگلیو، او مملکت اردوسیده گی کاتولیک عسکر لردن «نضال حسن» نینگ اعدام جوخه سیده قتنشمسلیکنی سورگن، پنتاگون بو جریان نی جانلی روشده نمایش قیلیشنی ریجه لگن. او، بو وظیفه اوچون تعیین ایتیلگن هر بیر کاتولیک دن کلیسا تعلیمات لریگه قرشی بولگن لیگی اوچون معافیت سوره شنی طلب قیلگن.
رویترز خبر آژانسی سه‌شنبه ایرته لب، ۱۳ اکتوبر ده، بروگلیو نینگ بو ریجه گه قرشی قتّیق لحن بیلن مخالفتینی بیلدیرگنینی گزارش قیلدی. امریکا اردوسی کاتولیک اعضالری نینگ معنوی ایش لریگه مسئول بولگن بو کشیش، امریکا قوشمه ایالتلری «دنیا تروریستلریدن تقلید قیلیب، وحشیانه قتل نی عمومی بیر نمایش گه ایلنتیرماقچیمی؟» دیب سورگن.
بو موضع نی بیلدیرگن بروگلیو، کاتولیک لر رهبری پاپ فرانسیس بیلن رومده اوچره شگنیدن کیین بیان قیلگن. پاپ فرانسیس رهبرلیگیده گی کاتولیک کلیساسی، اعدام جزاسی گه قرشی هر قنده‌ی شرایطده قتّیق موضع نی اختیار قیلگن و اونی «انسان حرمتیگه هجوم» دیب بیله دی.
پاپ شنبه کونی، نضال حسن دوسیه سیگه مستقیم اشاره قیلمسدن، ینه بیر بار اعدام جزاسینی قاره لگن. او آلدینلری ایران بیلن اوروش کبی مسأله لر بوییچه دونالد ترامپ دولتی و پنتاگون بیلن فکر اختلافی گه ایگه ایدی.
نضال حسن، امریکا اردوسی نینگ بیر روانیات دوکتوری، ۲۰۰۹ نچی ییلده تگزاس ایالتی نینگ «فورت هود» حربی پایگاهیده یوز بیرگن بیر آتیشمه ده ۱۳ کیشی نی اولدیریب و اونلب باشقه کیشی نی یره دار قیلگن. او اعدام گه محکوم ایتیلگن، لیکن حکم نینگ اجرا ایتیلیش تاریخی هلی انیقلنمه گن. پنتاگون نینگ بو اعدام نی جانلی روشده نمایش قیلیش قراری، امریکا قوشمه ایالتلریده کینگ حقوقی و اخلاقی بحث لرنی یوز آچگن.
اسقف بروگلیو نینگ درخواستی حربی مقام لر اوچون مستقیم بیر چیلنج دیر و دیني ارزش لر بیلن حربی وظیفه لر آره سیده گی اعدام کبی حساس بیر موضوع ده گی تنش نی تاکیدله یدی.
منبع: رویترز
🌐
