امریکا قوشمه ایالتلری نینگ سکّیز ایالتیدن عبارت ایکّی حزبی بیر گروه، اۉز فقرالریگه اوپن اې آی (OpenAI) شرکت نینگ چت باتی، چت جی پی‌تی (ChatGPT) تامانیدن ییتکیزیلگن ضررلر سببلی مملکت بۉیلب محکمه لرگه شکایت قیلگنلرینی اعلان قیلدی. اولرنینگ ادعا قیلیشیچه، بو چت بات، فایده لنووچیلرنی، جمله دن اۉسمیرلرنی اۉزیگه یا-ده باشقه لرگه ضرر ییتکیزیشگه یۉنلتیرگن.
رویترز گزارشیگه کۉره، آیووا، کانزاس و آریزونا کبی ایالت لرنی اۉز ایچیگه آلگن بو ایالت لرنینگ باش څارنوال لری، چهارشنبه کونی مستقل روشده ایالتی محکمه لرده بو شکایت لرنی ثبت قیلدیلر. اولر چت جی پی‌تی نینگ فایده لنووچیلر ایشانچینی قازانیش اوچون موافق و جلب ایتیجی قیلیب طراحیلنگنینی ادعا قیلماقده لر.
شکایت لرده ایتیلیشیچه، بو چت بات توهم لرنی کوچه یتیریب، خطرلی حرکت لرنی تشویق قیله دی و فایده لنووچیلرگه کتّه هجوملر کبی زوروانلیکلرنی ریجه لشتیریشده یاردم بېره‌دی. بو حقوقی حرکت لر، رسمی لر آره سیده صنعتی عقل نینگ روانی ساغلیک و اجتماعی خوفسیزلیککه منفی تاثیرلری باره سیده گی آرتوب باراتگن خواطرنی عکس ایتتیره دی.
بو بیرینچی مرته ایمس که اوپن اې آی حقوقی قیینچیلیکلر بیلن روپه‌رو بوله‌دی. بو شرکت آلدین هم کاپی رایت و معلومات محرملیگی باره سیده گی شکایت لر بیلن دوچ کیلگن، لیکن بو شکایت لر تۉغریدن-تۉغری اخلاقی و روانی ضررلرگه قره تیلگن.
بو دوسیه لر صنعتی عقل صنعتی اوچون کینگ دامنه لی نتیجه لرگه اېگه بولیشی ممکن و توسعه قیلووچی شرکت لرنی فایده لنووچیلرنی، خصوصاً ضرر کۉریش احتمالی بولگن کیشی لرنی حمایت قیلیش اوچون کوچلیراق محافظتی تدبیرلرنی عملی قیلیشگه مجبور قیلیشی ممکن.
منبع: Reuters
🌐
