رویترز خبر آژانسی نینگ ایکی منبع گه اساسلنیب خبر بېریشیچه، «مکه پیمانی» گه اعضا مملکتلر یعنی سعودی عربستان، ترکیه و پاکستان نینگ یوقاری مرتبه لی رسميلری منطقه وی هماهنگلیک حقیده صحبت قیلیش اوچون دوشنبه کونی، ۴ عقرب ده، ایران گه باریشلری کوتیلماقده دیر.
خبرگه کۉره، بو هیئت ده سعودی عربستان نینگ مدافعه وزیری شهزاده خالد بن سلمان و پاکستان اردوسی نینگ قوماندانی عاصم منیر اۉز مملکت لریدن نماینده لیک قیله دیلر. خبرده ترکیه نماینده سی نینگ اسمی ذکر ایتیلمه گن. بو سفر، اوشبو پیمان اعلان ایتیلگنیدن سۉنگ، اوچ مملکت نینگ ایران بیلن بیرینچی مرتبه یوقاری سویه ده گی هماهنگلشتیریلگن اوچره شووی حسابلنه دی.
اوشبو اوچره شوو منطقه نینگ اورته شرق ده گی سونگگی کېسکینلیکلر، دېنگیز خوفسیزلیک مسئله لری و مشترک خوفسیزلیک تشویشلری بیلن روپه ره بۉلیب تورگن بیر پیتده اۉتکزیلماقده دیر. کوزه تووچیلر بو سفرنی کېسکینلیکلرنی کمه یتیریش و مستقیم مذاکره کانالینی ایجاد قیلیش اوچون بیر حرکت دیب تفسیر قیلماقده لر.
«مکه پیمانی» یقینده سعودی عربستان، ترکیه و پاکستان آره سیده شکللنگن بۉلیب، اوشبو اوچ مملکت اورته سیده خوفسیزلیک و مدافعه همکارلیکلری اوچون بیر چارچوب صفتیده تنیلگن.
تهران ده مکه پیمانی نینگ اوچ اعضاسی نینگ مدافعه و خوفسیزلیک مسئوللری نینگ بیر وقتده حاضر بۉلیشی، ایکی تامانلمه و کۉپ تامانلمه خوفسیزلیک مسئله لری، جمله دن منطقه وی ثبات و جاری بحرانلرنی مدیریت قیلیش توغریسیده فکر المشیش اوچون زمینه یره ته آله دی.
شونگه قره مه ی، اوشره شوو نینگ انیق کۉن ترتیبی حقیده گی تفصیلات حاضرگچه هیچ قیسی تاماندن رسمی روشده اعلان قیلینمه گن.
منبع: رویترز
🌐
