سعودی عربستان رهبرلیگیده گی ائتلاف دوشنبه ایرته لب، ۴ عقرب کونی، یمن حوثیلری تامانیدن ریاض شهری تامان آتیلگن بیر بالستیک راکتنی توتیب آلیب یوق قیلگنینی اعلان قیلدی. بو واقعه ایکی تامان آره سیده گی دواملی کېسکینلیکلر اورته سیده یوز بېرگن.
بو اعلان دن آلدین، سعودی عربستان دولت تلویزیونی پایتخت ده بیر احتمالی خطر حقیده ملکی مدافعه تشکیلاتی نینگ آگاهلنتیریشینی اعلان قیلگن ایدی. لیکن بیر نیچه دقیقه دن سۉنگ، اوشبو تشکیلات خطر برطرف ایتیلگنینی بیلدیردی. رسمی بیاناتلرده بو هجوم نینگ احتمالی تلفاتلری یا ضررلری حقیده هیچ قنده ی تفصیلات بېریلمه گن.
بو ینگی هجوم، ریاض نینگ ملک خالد خلق ارا هوا میدانینی حوثیلرنینگ آلدینگی هجوملری سببلی فعالیتلری توخته گنیدن کیین، یقینده ایکی ترمینالده فعالیتینی قیته باشله گن بیر پیتده یوز بېرگن. هوا میدانی ۳ عقرب دن باشلب پروازلرنی باشله گن ایدی.
هوا میدانی مدیریتی، بیرینچی ترمینال نینگ ایچکی پروازلرگه و ایکینچی ترمینال نینگ سعودی هوا یۉللری شرکتی نینگ خلق ارا پروازلریگه اختصاص بېریلگنینی اعلان قیلگن ایدی. بو قرار، حوثیلر نینگ ۱۸ میزان ده گی هجومی سببلی ملک خالد هوا میدانی نینگ فعالیتی توخته تیلگنیدن کیین آلینگن.
باشقه تاماندن، حوثیلر ینه بیر بار ریاض هوا میدانینی هدف قیلیب آلیش بیلن تهدید قیلدیلر. حوثیلرنینگ حربی سوزچیسی یحیی سریع، ریاض هوا میدانینی «حربی هدف» دیب атаدی و هوا یۉللری شرکتلریگه، هوا میدانی ایشلاوچیلریگه و یۉلاوچیلرگه اوندن فایده لنمسلیکنی آگاهلنتیردی.
ایران حکومتی تامانیدن حمایت قیلینه دیگن حوثیلر ۲ عقرب ده هم ریاض هوا میدانی و سعودی عربستان نینگ نفت تأسیساتلریگه هجوم قیلگنلرینی اعلان قیلگن ایدیلر، لیکن سعودی مسئوللری بو ادعالر حقیده تۉغریدن تۉغری فکر بیلدیرمه گنلر.
منبع: سعودی عربستان دولتی میدیالری
🌐
