امریکا قوشمه ایالتلری اردوسی مرکزی قوماندانلیگی (سنتکام) نینگ قوماندانی جنرال برد کوپر، یکشنبه کونی، ۳ عقرب ده، هرمز تنگه سیدن تشریف بویوردی. کوپر ایتدی: «بیز فارس کۉرفزی و کېمه چیلیک صنعتی ده گی شریک لریمیز بیلن یلکه مه یلکه توره میز. بو تشریف، هرمز تنگه سیده کېمه چیلیک ایرکینلیگی نینگ دوامیگه بولگن کوچلی تعهدیمیزنی تاکیدله یدی.»
امریکا اردوسی نینگ مرکزی قوماندانلیگی اعلان قیلدی: «بوگون هرمز تنگه سیده گی اساسی اوتیب کیتیش یۉللری، بیزنینگ کوچلریمیز نینگ فوق العاده سعی و حرکتلری طفیلی، ایران نینگ دېنگیز ماینلریدن تازه و تردد اوچون آچیق دیر.»
سنتکام نینگ معلوماتیگه کۉره، اوتگن آلتی آی جریانیده، اوچ مینگدن آرتیق تجاری کېمه سنتکام کوچلری نینگ حمایتی بیلن موفقیتلی روشده هرمز تنگه سیدن اوتگن. سنتکام اعلان قیلیشیچه، بو موضوع امریکا و اونینگ منطقه ده گی شریک لری نینگ بو خلق ارا سوو یولینی کنترول قیلیاتگنینی آچیق-آیدین کورسه ته دی.
جنرال کوپر، امریکا اردوسی نینگ بیر سی
اچ-۴۷ شینوک هلیکوپتری بیلن بو خلق ارا سوو یولی اوستیده پرواز قیلیب، جاری عملیاتی شرایطنی تیکشیردی. اوتگن آیلرده، امریکالی کوچلر سپاه پاسداران تامانیدن هرمز تنگه سی نینگ خلق ارا کېمه چیلیک یۉللریگه قۉییلگن دېنگیز ماینلرینی تازه لش عملیاتینی موفقیتلی بجارگنلر.
کوپر بو سفری جریانیده ماین تازه لش ماموریتیگه قتنه
شگن امریکالی حربی کوچلر بیلن اوچره شیب، اولرنینگ تعهد و دواملی سعی و حرکتلریدن منتدارچیلیک بیلدیردی.
منبع: امریکا قوشمه ایالتلری مرکزی قوماندانلیگی (سنتکام)
🌐
