بیرلشگن ملت لر تشکیلاتی نینگ خوفسیزلیک کېنگه شی سه‌شنبه کونی، ۵ عقربده، «عیال لر، تینچلیک و خوفسیزلیک» حقیده گی اۉز ییللیک ییغینیده افغانستاننی هم اۉز ایچیگه آلگن اوروشدن تاثیرلنگن منطقه‌لرده گی عیال لر و قیزلرنینگ وضعیتی نی بحث قیله دی. بو ییغین نیویارک ده گی بیرلشگن ملت لر تشکیلاتی قرارگاهی ده اۉتکزیله دی.
بو ییلگی ییغین نینگ عنوانی «کیله سی چیره ک عصرده عیال لر، تینچلیک و خوفسیزلیک: وعده لرنی اجرا آرقه لی تحقق قیلدیریش» دیب بېلگیلنگن. بو ییغینگه یونان تشقی ایشلر وزیری جورج گراپتریتیس ریاست قیله دی. بو موضوع خلق ارا همجمعیت نینگ عیال لر حقوقینی حمایت قیلیش ساحه سیده گی آلدینگی تعهدلرنی عملی قیلیشگه قره تیلگنینی کۉرسه ته دی.
بیرلشگن ملت لر تشکیلاتی نینگ اعلان قیلیشیچه، بو ییغینده بیرلشگن ملت لر تشکیلاتی باش کاتبی آنتونیو گوترش، بیرلشگن ملت لر تشکیلاتی عیال لر اداره سی اجرایی مدیری سیما بحوث و افغانستان مدنی جمعیتی دن بیر نماینده نینگ نطق قیلیشی کوتیلماقده. افغانستان مدنی جمعیتی نماینده سی نینگ حضوری بو مملکت عیال لری نینگ سسینی تۉغریدن تۉغری اېشیتیش اوچون فرصت یره ته دی.
بیرلشگن ملت لر تشکیلاتی نینگ خبرنامه سیده ایتیلیشیچه، قوراللی توقنشو لرگه باغلیق جنسی زوروانلیک نینگ آشیب باریشی، فعال عیال لر، عیال ژورنالیست لر و انسان حقوقلری مدافعلری نینگ نشانگه آلینیشی، و اوروشدن تاثیرلنگن منطقه‌لرده گی عیال لر تشکیلات لریگه مالی حمایت نینگ کمه ییشی بو ییغین نینگ اساسی موضوع لری دن بولیب حسابلنه دی. بو قیینچیلیک لر کوپلب مملکت لرده، اینیقسه افغانستانده، جدی شکلده موجود.
افغانستاندن تشقری، غزه، هائیتی، میانمار، سودان، اوکراین و یمن کبی باشقه منطقه‌لرده گی عیال لر و قیزلرنینگ وضعیتی هم بو ییغینده کۉریب چیقیله دی. بو قیاسی یانداشو کینگراق ییچیم لر تاپیشگه یاردم بېریشی ممکن.
بیرلشگن ملت لر تشکیلاتی باش کاتبی نینگ ییللیک گزارشیگه کۉره، تینچلیک پروسه لریده عیال لرنینگ اشتراکی هلی هم جوده پس. ۲۰۲۵ نچی ییلده عیال لر ۵۷ تینچلیک پروسه سیده مذاکره‌چی لرنینگ فقط بیش فایزینی تشکیل بېرگن، حال بو کیم بو رقم ۲۰۲۴ نچی ییلده ییتّی فایز اېدی. بو تشویشلی آمار سیاسی قرارلر قبول قیلیشده عیال لرنینگ معنالی اشتراکینی تامینلش اوچون عاجل اقدام کیره کلیگینی تاکیدله‌یدی.
بو گزارش شونینگدیک کۉرسه ته دی کیم، توقنشو منطقه لریگه یقین یشه یاتگن عیال لر و قیزلر سانی ۲۰۲۴ نچی ییلده گی ۶۷۶ میلیون نفردن ۲۰۲۵ نچی ییلده ۷۵۶.۱ میلیون نفرگه کوپه یگن. بو موضوع بوتون جهان بویلب عیال لر اوچون خوفسیزلیک و خطر دایره سی نینگ کینگه‌یگنینی بیلدیره دی.
منبع: بیرلشگن ملت لر تشکیلاتی خبرنامه سی
🌐
