امریکا مهاجرت و گمرک اداره سی (ICE) مامورلری میشیگان ایالتی ده ۳۲ یاشر افغان محصل و فولبرایت بورسی نینگ فارغ التحصیلی بولمیش بی‌نظیر نورزاد نی حبسگه آلگن. اونینگ ایناغه‌سی مطیع‌الله نورزاد، سینگلیسی نینگ افغانستانگه اخراج ایتیلیشیدن تشویشده ایکنینی بیلدیردی.
بی‌نظیر نورزاد ۲۰۲۱ نچی ییلده معتبر فولبرایت برنامه‌سی نینگ محصلی صفتیده امریکاگه کیرگن. افغانستانده طالبان نینگ قدرتگه قیتیب کیلیشی دن کیین، او امریکاده پناه تاپیش اوچون عریضه بېرگن. او کیله سی هفته لرده پناه تاپیش عریضه‌سی حقیده گی مصاحبه اوچون مهاجرت اداره سیگه باریشی کیره ک ایدی.
مطیع‌الله نینگ ایتیشیچه، سینگلیسی پنجشنبه کونی، ۸ عقرب ده، ویرجینیا ایالتیگه اوچیش اوچون هوا میدانی دن اوچاققه مینماقچی بولگن پیتده، مهاجرت اداره سی مامورلری تامانیدن حبسگه آلینگن. مهاجرت اداره سی نینگ حبسده گی لر معلومات پایگاهی گه اساساً، بی‌نظیر نورزاد شنبه کونی، ۱۰ عقرب گچه، میشیگان ایالتی ده گی بیر اصلاح و تربیت مرکزی ده سقلنماقده ایدی.
امریکا مهاجرت و گمرک اداره سی حاضرگچه بی‌نظیر نورزاد نینگ حبسگه آلینیشی نینگ انیق سببی حقیده هیچ قنده ی فکر بیلدیرگن ایمس. بو سکوت اونینگ عایله سی نینگ تشویشلرینی کوپه یترگن.
اؤزی امریکا نینگ دایمی اقامتی گه ایگه و اوتمیشده افغانستانده امریکا حربی کوچلری بیلن همکارلیک قیلگن مطیع‌الله نورزاد، سینگلیسی نینگ حبسگه آلینیشینی «غیرموجه» دیب بیله دی. او رسانه لرگه ایتدی کیم، بی‌نظیر امریکاده قانونی شکلده ایشله ر ایدی و قانونی اقامت و ایش اوچون همه کیره کلی سند لرگه ایگه ایدی.
او تاکیدله‌دی کیم، سینگلیسی نینگ پناه تاپیش عریضه‌سی رد ایتیلمه‌گن ایدی و بو توستدن حبسگه آلینیش اولرنینگ عایله سی اوچون کوتیلمه‌گن بیر حادثه بولدی. بی‌نظیر نینگ ایناغه‌سی امریکالیک مقام لردن اونینگ دوسیه‌سینی بشردوستانه نقطه ی نظردن و فوری شکلده تیکشیریشلرینی و طالبان حاکمیتی آستیده گی افغانستانگه قیتیب باریشی نینگ احتمالی خطر لرینی نظرده توتیشلرینی سوره‌گن.
بو حبسگه آلیش، امریکا جمهور رئیسی دونالد ترامپ دولتی نینگ مهاجرلر و پناهچی لرگه نسبت سختراق سیاست لرنی اجرا قیلیب تورگن بیر شرایطده یوز بېرگن.
منبع: رسانه ای گزارش لر
🌐
