طالبان نینگ امر به معروف و نهی عن المنکر وزیرلیگی، تۉی مراسم لری، بایرم لر و باشقه ییغین لرده «پتاقی» و شونگه اۉخشش آته ش فشان ماده لردن فایده لنیشنی مطلق شکلده منع قیلدی. بو وزیرلیک بو اقدامدن مقصدنی عمومی تینچلیکنی سقلش و شهرداش لر اوچون قۉرقینچ و ناراحتچیلیک ایجاد اېتیلیشی نینگ آلدینی آلیش دیب ایتگن.
بو وزیرلیک سه شنبه کونی، ۵ عقرب ده، بیر اعلامیه ده «شاد لیک مراسم لری اسلامی یۉل-یۉریغ لر و شریعت اصول لریگه مطابق اۉتکزیلیشی کېره ک، نه که آزار بېرووچی رفتار لر نتیجه سیده باله لر، خاتین-قیز لر، یاشی اولوغ لر، مریض لر و باشقه شهرداش لرنینگ قۉرقیشی و ناراحت بولیب قلیشیگه سبب بۉلسین» دیب ایتگن.
بو اعلامیه ده «پتاقی» نینگ وارد قیلووچی لری، ایشلب چیقرووچی لری، ساتووچی لری و فایده لنووچی لریگه، اگر بو دستور دن سرپیچلیک قیلسه لر، اولر بیلن «شرعی و قانونی یانده شیلیشی» حقیده آگاه لنتیروو بېریلگن. بو وزیرلیک شهرداش لردن هم بو ممنوعیت نینگ اجرا بۉلیشیده همکارلیک قیلیش لرینی سۉره گن.
بو بیر حالده دیرکه، بوندن آلدین طالبان نینگ ایچکی ایش لر وزیرلیگی مملکت نینگ بعضی شهر لریده فقط کیچه ساعت توقیزدن سۉنگ «پتاقی» دن فایده لنیشنی منع قیلگن اېدی، لیکن بو چیکلاو بو ماده لردن فایده لنیش نینگ تولیق آلدینی آلیشگه قادر بۉلمه گن اېدی.
شدید اجتماعی چیکلاو لر قۉییش و بشری حقوق لرنی بوزیش سببی بیلن کینگ قمره ولی تنقید لرگه دوچ کېلگن طالبان نینگ امر به معروف و نهی عن المنکر وزیرلیگی، بو ممنوعیت «خلق نینگ آرامچیلیگی و آسایشلیگی، اولرنینگ روانی امنیتی و مشروع حقوق لرینی حمایت قیلیش» اوچون وضع اېتیلگنینی ادعا قیلماقده.
بو وزیرلیک نینگ مامور لری تۉی و بایرم مراسم لرینی نظارت قیله دیلر و اولرنینگ بو مراسم لرگه هجوم قیلیب، اشتراکچی لرنی موزیک ترقه تیش یاکه چالیش اتهامی بیلن قولگه آلگن لیک لری حقیده کۉپلب گزارش لر موجود.
منبع: متنی فایل
🌐
