پاکستان نینگ خیبرپختونخوا ولایتی نینگ والیسی فیصل کریم کندی، اوتگن کیچه انگور اده ده یوز بېرگن چېگره توقنشوویگه مناسبت بیلدیرر ایکن، طالبان حکومتیگه «هیچ قنده ی وهم گه توشمسلیک» حقیده آگاهلنتیردی. بو توقنشوو بیر مرته ینه دیورند چیزیغی بۉیلب کېسکین لیکنی آشیریب یوباردی.
جناب کندی بوگون (چهارشنبه، ۶ عقرب) ایکس اجتماعی ترماغیده بیر پیام ترقه تیب، پکتیکا ولایتی نینگ برمل ولسوالی سی و جنوبی وزیرستان چېگره سیده گی توقنشوونی طالبان تامانیدن «آچیق تجاوز» دېب اتدی. او شونده ی یازگن: «پاکستان هیچ قچان اۉз خلقیگه قرشی هجوم لر یا-ده اۉز حاکمیتی نینگ بوزیلیشی نی تحمل قیلمیدی.»
خیبرپختونخوا والیسی، پاکستان کوچلری نینگ «تیز و قاطع عکس العملی» نی تقدیرلر ایکن، طالبان حکومتی نی بو کېسکین لیککه مسئول دېب بیلدیردی. او، خیبرپختونخوا ولایتی نینگ تروریزم گه قرشی کورشده کۉپ قربان بېرگنی نی و هیچ قنده ی گروه گه بو منطقه نینگ خوفسیزلیگینی ضعیفلشتیریشگه رخصت بېرمسلیگینی تأکیدله دی.
جنوبی وزیرستان نینگ کمیشنر معاونی دفتری، اوتگن کیچه گی توقنشوو جریانیده طالبان کوچلری نینگ بیر یشاش منطقه سیگه قره ته اۉق اوزیشی نتیجه سیده، بیر تینچ اهالی اۉلگنینی و بیر عایله نینگ بیش اعضاسی یره لنگنینی اعلان قیلدی.
طالبان حکومتی حاضرگچه بو خصوصده رسمی شکلده فکر بیلدیرمه گن. شونگه قره می، پکتیکاده گی بعضی طالبان خوفسیزلیک منبع لری رسانه لر بیلن صحبتده توقنشوو یوز بېرگنینی تصدیقله ب و افغانستان تامانیده هم یشش اوی لرنینگ هدفگه آلینگنینی ایتگن لر.
طالبان کوچلری و پاکستان چېگره چیلری اۉرته سیده گی چېگره توقنشوولری، طالبان نینگ افغانستانده قیته حاکمیت گه اېگه بۉلگنیدن سۉنگ، بیر عادی جریانگه ایلنگن. بو توقنشوولر کпинچه چېگره قوریلیش لری و دیورند چیزیغیگه تیگیشلی مسئله لر سببلی یوز بېره دی و هر دایم تینچ اهالی نینگ قربان بۉلیشی بیلن نتیجه لنه دی.
منبع: پاکستان رسانه لری
🌐
