آگاه منبع‌لر رسانه‌لرگه، ایران اسلام جمهوریتی نینگ جنرال اکرام الدین سریع تامانیدن اساس قۉйیلگن سابق افغان حربی‌لرینی حمایه قیلووچی دفترنی یاپگنینی ایتگنلر. بو دفتر، مینگلب سابق حربی‌لر و اولرنینگ عایله‌لری اوچون ایرانده یشاش حجت‌لرینی آلیش ساحه‌سیده فعالیت یوریتر ایدی.
منبع‌لرنینگ ایتیشیچه، ایران مقام‌لری تقریباً تۉرت کون آلدین دفتر مسئوللریدن کیینگی خبرنامه گچه فعالیتلرینی توخته‌تیشنی سوره‌گنلر، لیکن بو قرار اوچون انیق بیر دلیل کیلتیرمه‌گنلر. بو اقدام، ایران نینگ عینِ پیتده یوزلب اوشبو حربی‌لرنینگ یشاش مدتینی اوزه‌یتیریشنی هم توخته‌تگن بیر پیتده یوز بېرگن.
بو دفتر، کابل نینگ سقوطی و سابق خوفسیزلیک کوچلری نینگ ایرانگه کینگ کۉلمده مهاجرت قیلیشی آرتیدن، سابق پولیس قوماندانلریدن بۉلگن جنرال سریع تامانیدن تشکیلات تاپگن ایدی. هرچند جناب سریع ۱۴۰۴- ییل جدی آییده تهرانده ترور قیلیندی، لیکن اونینگ دفتری اۉز فعالیتینی دوام ایتتیردی. بیر منبع، بو دفترده تقریباً ۱۷ مینگ سابق حربی ثبت قیلینگنینی ایتدی.
بو دفترنینگ یاپیلیشی و یشاش مدت‌لری نینگ اوزه‌یتیریلمسلیگی، سابق افغان حربی‌لرینی سرنوشت سیزلیک و افغانستانگه چیقاریب یوباریلیش خطری بیلن روپه‌رو قیلگن. اولر، قیتیب باریش صورتیده، طالبان تامانیدن قولگه آلینیش، شکنجه و حتی قتل خطریگه دوچ کېلیشلریدن آگاهلنتیره‌دیلر.
سریع دفترگه یقین بیر منبع، یوزلب حربی نینگ یشاش مدتی اوزه‌یتیریلمه‌گنینی و منطقه ده گی کېسکینلیکلر آرتگنیدن سۉنگ اوزه‌یتیریش جریانی قیینلشگنینی تاییدله‌دی. او، ایران‌دن قیتیب کیلگندن سۉنگ بعضی سابق حربی‌لرنینگ طالبان تامانیدن قولگه آلینگنی، شکنجه قیلینگنی یا اۉلدیریلگنینی کورستووچی حجت‌لر موجودلیگینی قۉшимچه قیلدی.
بو منبع مثال اوچون، بغلانده بیر سابق حربی نینگ اۉلدیریلیشیگه اشاره قیلدی که ایرانده یشاش مدتی اوزه‌یتیریلمه گنیدن سۉنگ افغانستانگه قیتیب کیلگن و بیر نېچه کون آلدین طالبان تامانیدن عایله‌سی کۉز آلدیده قتل قیلینگن ایدی. ایران سیاستیده گی بو اۉزگریش نینگ طالبان فشاری یا او مملکت نینگ ایچکی تحولاتی باعث ایکنی انیق ایمس. منبع: افغانستان اینترنشنال
🌐
