طالبان حکومتی اوتگن کون تورلی چېگره‌لر آرقه لی ۱۲۰ عایله‌دن عبارت جمعی ۵۸۸ نفر افغان وطنداش نینگ مملکت‌گه قَیتگنینی معلوم قیلدی. طالبان سۉزلاوچیلریدن بیری حمدالله فطرت، پنج‌شنبه کونی، ۷ عقربده، نشر قیلگن بیر بیاناتیده، فقط تورخم چېگره‌سی آرقه لی ۴۵ عایله‌دن عبارت ۲۳۴ کیشی نینگ افغانستانگه کیرگنینی ایتگن.
اوشبو بیانات اساسیده، ۱۹ عایله سپین بولدک چېگره‌سی، ۳۷ عایله نیمروز چېگره‌سی و باشقه ۱۹ عایله اسلام قلعه چېگره‌سی آرقه لی مملکت‌گه قَیتگن. بو قیتیشلر قۉشنی مملکتلردن، خصوصاً ایران و پاکستاندن افغان قاچقینلرنینگ قیتیشی و مجبوراً چیقاریلیشی نینگ دوام اېتیب تورگن موجی نینگ بیر قسمی دیر.
اوشبو جریان قیش فصلی یقینلشیشی بیلن قَیتگن عایله‌لرنینگ تورموش شرایطی و باش پناه بیلن تأمینلنیشی باره‌سیده‌گی خواطرلر کوچه یگن بیر پیتده دوام ایتماقده. بو عایله‌لردن کۉپچیلیکی اېنگ ضرور احتیاجلرینی قاندیریش، مناسب باش پناه تاپیش و قیش نینگ ساووق کونلریدن اۉزلرینی حمایه لش باره‌سیده جدی قیینچیلیکلر بیلن روپه‌رو بۉلماقده.
بشری حقوق و یاردم بېرووچی تشکیلاتلر تکراراً، افغانستان نینگ شونچه کۉپ قیتووچینی قبول قیلیش ظرفیتی یۉقلیگی و اولرنینگ کۉپچیلیکی مملکت‌گه قیتگندن سۉنگ، فقرلیک، ایشسیزلیک و اساسی خدمت‌لرنینگ یۉقلیگیگه دوچ کېلیشی حقیده آگاهلنتیرگنلر. بو وضعیت مملکتده‌گی چېک لنگن منبعلرگه قۉشیمچه باسیم یوقله‌یدی.
هوا ساویشی بیلن، خصوصاً، ضرر کۉره‌دیگن و باش پناه سیز عایله‌لر اوچون انسان پرورلیک یاردمیگه بولگن احتیاج هر قچان دن هم کۉپراق حس قیلینماقده. طالبان حکومتی قیتگن مهاجرلر ایشیگه یېتیشیش اوچون کمیته‌لر تشکیل قیلگنینی ایتگن، لېکن احتیاج لر مقداری موجود امکاناتلردن انچه کۉپراق کۉرینه‌دی.
خلق ارا جمعیت و خلق ارا سازمانلر هم اوشبو احتیاجلرنینگ بیر قسمینی قاپلش اوچون حرکت قیلماقده، لېکن افغانستانده‌گی کینگ دایره لی اقتصادی و انسانی بحران نی نظره آلگنده، بوتون قیتووچیلرنینگ وضعیتیگه یېتیشیش بیر بویوک قیینچیلیک بولیب قالماقده.
منبع: طالبان حکومتی بیانیه‌سی
🌐
