افغان عایله‌لری اوچون اساسی ییمه کلیک ماده لریدن بیری بولگن گوروچ نینگ قیمتی، سونگگی بیر یریم ییل ایچیده سېزیلرلی درجه‌ده یوکسلیب، تقریباً ایکی برابرگه ییتدی. بو یوکسلیش، آلدیندن بشری بحران بیلن کوره شه‌یاتگن اهالی اوستیده‌گی اقتصادی باسیمنی آرتیرگن.
جهان ییمه کلیک برنامه‌سی (WFP) نینگ معلوماتلری، ۱۴۰۳-ینچی شمسی ییل نینگ حوت آییده بیر کیلوگرام گوروچ نینگ قیمتی تقریباً ۶۵ افغانی ایکنینی، لیکن حاضر بو رقم نینگ تقریباً ۱۲۰ افغانیگه ییتگنینی کورسته‌دی. بو قیمت یوکسلیشی، بیر نیچه آی آلدین هر کیلوگرام گوروچ نینگ قیمتی حتی ۱۴۳ افغانیگه ییتگن بیر پیتده یوز بیرماقده.
بو قیمت یوکسلیشی نینگ اساسی سببلریدن بیری، طالبان حکومتی و پاکستان آره‌سیده‌گی کېسکینلیکلر و چیگره یوللری نینگ تیز-تیز یاپیلیشی بولگن. پاکستان، افغانستانگه گوروچ نینگ اینگ بویوک صادر قیلووچیلریدن بیری دیر و تجاری یوللرده‌گی هر قنده‌ی توسقینلیک بازارلرگه توغریدن-توغری تأثیر قیله‌دی. مثال اوچون، اسلام‌آباد ۱۴۰۴-ینچی ییل نینگ میزان آییده یوللرنی تولیق یاپگن پیتده، گوروچ نینگ قیمتی ۹۸ افغانی ایدی.
قیزیغی شونده که، جهان ییمه کلیک برنامه‌سی نینگ هفته‌لیک آمارلری بویوک بیر تفاوتنی کورسته‌دی و انچه آز یوکسلیشنی بیلگیله‌یدی؛ اوشبو آمارلرگه کۉره، شله گوروچ نینگ قیمتی فقط ۱۳ افغانی و پلو گوروچ نینگ قیمتی ۲۴ افغانی یوکسلگن.
جهان ییمه کلیک برنامه‌سی و «ریچ» موسسه‌سی نینگ مشترک گزارشیده، افغان تجارلری تجاری یوللرنی ایران و اورته آسیا مملکتلری تامان اوزگرتیرگن بولسه‌لرده، لیکن بو بدیل یوللر اوزونراق بولیب و حمل و نقل خرجتلرینی آرتیرگنلیگی ایتیلگن.
بو وضعیت نه فقط مصرف قیلووچیلرگه، بلکه اوز محصوللرینی صادر قیلیش اوچون عنعنوی روشده پاکستان بازارلریگه باغلیق بولگن افغان ایشلب چیقرووچیلر و تجارلرگه هم منفی تأثیر قیلگن. بو جریان نینگ دوامی بیلن، قیش آستانه‌سیده عایله‌لرنینگ اقتصادیگی باسیم نینگ کوپه یشی کوتیله‌دی.
منبع: جهان ییمه کلیک برنامه‌سی
🌐
