طالبان حکومتی نینگ سۉزچیسی ذبیح‌الله مجاهد، افغانستان نینگ سابق عدلیه وزیری فضل احمد معنوی نینگ طالبان مقام‌لری نینگ قندهارده بیر پاکستان هیئتی بیلن مخفی اوچره شگنی حقیده‌گی ادعالرینی رد اېتیب، اولرنی «تۉغری ایمس» دیب اتدی.
فضل احمد معنوی یقین‌ده بیر یادداشتده پاکستانلیک بیر خوفسیزلیک و دیپلوماتیک هیئت قندهارگه سفر قیلیب، طالبان نینگ یوکسک مرتبه لی مقام‌لری بیلن اوچره شگنینی ادعا قیلگن اېدی. جناب معنوی نینگ ایتیشیچه، بو اوچره شووده اسلام‌آباد تامانیدن بېش مخصوص ایستک مطرح قیلینگن و ایکی تامان بحث قیلینگن تعهدلرنی عملی قیلیش اوچون بیر آی‌لیک مهلت تعیین قیلگنلر.
بو ادعالرگه جواباً، ذبیح‌الله مجاهد آمو تلویزیونی بیلن صحبتده بو موضوعنی آچیق-آیدین تکذیب قیلدی. او: «بو ادعالر تۉغری ایمس و بونده‌ی اوچره شوو بۉلمه گن» دیب ایتدی. طالبان سۉزچیسی تامانیدن باشقه تفصیلات بېریلمه‌دی.
جناب معنوی نینگ ادعالری کابل و اسلام‌آباد اۉرته‌سیده‌گی مناسبت‌لر تورلی مسئله‌لر، خصوصاً پاکستان تحریک طالبانی (TTP) نینگ افغانستان توپراغیده‌گی حضوری و چېگره هجوم‌لری یوزه‌سیدن کېسکینلشگن بیر پیتده مطرح بۉلماقده. پاکستان کۉپ مرته طالبان حکومتیدن پاکستانگه قرشی قوراللی گروه‌لرگه قرشی حرکت قیلیشنی سۉره‌گن، لیکن طالبان هر دایم افغانستانده بو گروه‌لرنینگ خوفسیز پناه‌گاه‌لری موجودلیگینی رد اېتیب کېلگن.
تحلیلچیلرنینگ ایشانیشیچه، بونده‌ی بیر اوچره شوو یوز بېرگن بۉلسه هم، بۉلمه‌گن بۉلسه هم، بو ادعالرنینگ اۉزی طالبان حکومتی و پاکستان اۉرته‌سیده‌گی چوقور ایشانچسیزلیک و مناسبت‌لرنینگ مرکب لیگینی کورسه ته‌دی.
منبع: آمو
🌐
