طالبان نینگ نیمروز ولایتیده‌گی امنیه قوماندانلیگی، بو گروه کوچلری ۳۳۰ دن آرتیق کیشی نینگ ایرانگه غیرقانونی سفرینی تۉخته تگنینی ایتماقده. اوشبو قوماندانلیک سۉزچیسی گل محمد قدرت، سه‌شنبه کونی (۱۲ عقرب) بو کیشیلرنینگ ایکیته علیحده عملیاتده قولگه آلینگنینی ایتدی.
جناب قدرت نینگ معلوماتیگه کۉره، بیرینچی عملیاتده ۳۰۰ دن کۉپراق کیشی نیمروز ولایتی نینگ مرکزی زرنج شهری نینگ اوچینچی امنیتی حوزه‌سیده‌گی قاچاقچیلرنینگ «مخفیگاهی»دن قولگه آلینگن. بو عملیاتده بیر کیشی انسان قاچاغی اتهامی بیلن قولگه آلینیب و اون ته تورلی موتر هم ضبط ایتیلگن.
باشقه بیر عملیاتده، دلارام-زرنج یۉلی آرقهلی ایرانگه قاچاق شکلده بارماقچی بۉلگن ۳۰ کیشی قولگه آلینگن. طالبان امنیه قوماندانلیگی سۉزچیسی، بو خصوصده هم بیر کیشی نینگ بو غیرقانونی سفرنی تشکیللشتیریش اتهامی بیلن قولگه آلینگنینی و بو کیشیلرنی انتقال بیریش اوچون ایشلتیلگن بیر یۉک موتری نینگ ضبط ایتیلگنینی قۉشیمچه قیلدی.
بو، سونگگی آیلرده نیمروزده‌گی طالبان مسووللری نینگ ایرانگه غیرقانونی سفر قیلیشنی نیت قیلگن یوزلب وطنداشلرنینگ قولگه آلینگنی حقیده خبر بېرگنلرینی نینگ بیر نیچه نچی مرتبه‌سی دیر. نیمروز ولایتی افغان وطنداشلری نینگ ایرانگه و او ییردن ترکیه و اروپاگه غیرقانونی مهاجرتی اوچون اساسی یۉللردن بیری حسابله نه‌دی.
افغانستانده قشاقلیک نینگ کینگه‌ییشی، آرتماقده بۉلگن ایشسیزلیک و کیله جکدن امیدسیزلیک، کۉپلب وطنداشلرنی مملکتنی ترک ایتیشگه مجبور قیله‌یاتگن اساسی سببلردن دیر. بوندن تشقری، افغانستانده ایران ویزه‌سی بیریش جریانی نینگ تۉخته ب قالگنی، کۉپچیلیکنی ایش تاپیش و عایله‌لرینی تأمینلش اوچون قاچاق نینگ خطرلی یۉللریگه یوزلنتیریشگه سبب بۉلماقده.
بو سفرلر کۉپینچه جان خطرلیگی بیلن همراه بۉلیب و مهاجرلر یۉلده قاچاقچیلر و قۉشنی مملکتلرنینگ چیگره کوچلری نینگ یامان رفتارلریگه دوچ کیله‌دیلر. طالبان حکومتی نینگ غیرقانونی مهاجرتلرنی آلدینی آلیش اوچون سعی-حرکتلریگه قره‌مسدن، مملکتده‌گی اقتصادی و اجتماعی بحران هلی هم کۉپ ساندیکی افغانلرنی وطننی ترک ایتیشگه یۉنلتیرماقده.
منبع: نیمروزده طالبان امنیه قوماندانلیگی
🌐
