فرانسه تشقی ایشلر وزیرلیگی افغانستانلیک حجتسز مهاجرلرنی چیقاریش بویینچه طالبان حکومتی بیلن اوتکزیلگن تخنیک سوزله‌شوو لر، اوشبو رژیمنی رسمی تن آلیش معناسیده ایمسلیگینی معلوم قیلدی.
فرانس پرس خبری آژانسی نینگ معلوماتیگه کۉره، فرانسه تشقی ایشلر وزیرلیگی نینگ سوزلاوچیسی پاسکال کنفاورو اوشبو اولکه طالباننی تن آلمسلیگینی و بوندای اراده‌سی هم یۉقلیگینی تأکیدله‌دی.
وزیرلیک سوزلاوچیسی شونینگدېک پاریسده‌گی افغانستان قونسلگریسیده طالبان هیأتی بارلیگی حیده‌گی خبرلرنی رد اېتیب، حاضرده هیچ قندای هیأت کونسلخانه‌ده یۉقلیگینی بیلدیردی.
فرانسه ایچکی ایشلر وزیری لوران نونز دوشنبه کونی پاریس افغان پناهنده‌لرینی قیته‌ریش ایشلرینی آسانلشتیریش مقصدی بیلن طالبان حکومتی بیلن مذاکره باشله‌گنینی تاییدله‌دی.
فرانسه آلمان، بلجیم و سویدن کبی اروپا بیرلیگیگه اعضا بولگن یقین ۲۰ اولکه‌گه قوشیلگن بولیب، بو اولکه‌لر قانونسیز کډواللر اینیقسه محکمه قیلینگن کیشیلرنی قیته‌ریش روندینی تیزلشتیریشنی ایسته‌یدی. جون آییده هم بروکسلده ۱۵ اروپا اولکه‌سی رسمیلری بیلن طالبان هیأتی اۉرته‌سیده شونگه اوخشش اوچره‌شوو بولگن اېدی.
شونده‌ی بیر حالده، بیرلشگن ملت‌لر تشکیلاتی نینگ بشر حقوقلری عالی کمیشنری فولکر تورک، افغانستانده بشر حقوقلری یمانلشگنی سببدن اخراج جریانی توخته‌تیلیشینی سۉره‌گن اېدی. طالبان حکومتی حاضرده قیزلر اوچون آلینچی صنفدن یوقاری مکتبلرنی توسیب قویگن و خلق‌ارا جنایی محکمه هم بو گروه رهبرلری اوچون توتقونلیک حکمی چیقارگن.
منبع: فرانس پرس
🌐
