امریکه قۉشمه ایالتلری نینگ پرېزیدنتی دونالد ترامپ، واشنگتن ایران بیلن حربی توقنه‌شوو نی کېنگه‌یتیریش اوچون هیچ قنده‌ی سبَب کۉرمه‌یاتگنینی و تېهران نینگ عاقبت بېر کیلیشوو اوچون مذاکره قیلیشینی کوتایاتیریلیگینی بیلدیردی.
«سی‌بی‌اس» شبکه‌سی نینگ معلوماتیگه کۉره، ترامپ «۶۰ دقیقه» پروگرامی بیلن بۉلگن صحبتده، حاضرگی وقتده اوروش نی رواجلنتیریش ریجه‌سی یۉقلیگینی تصدیق له‌دی. او بوندای ایش نینگ په‌ییده اېمسلیگینی و بونگه هیچ بیر ضرورت بۉلمه‌گنینی تاکیدله‌دی.
ترامپ ایران نینگ اوروشده مغلوب بۉلگنینی و اینقسه کیلیشووگه تایار اېکه‌نینی ادعا قیلدی. اونینگ ایتیشیچه، تېهران امریکه نینگ اورته مدّتلی سیلاولریدن آلدین هم کیلیشوو ایسته‌گن اېدی، بیراق دموکراتلر نینگ غلبه‌سی ایران رسمی‌لریگه ینگی امید بېردی. او اېسه سیلاو بۉلمه‌گنیده کیلیشوو بیر نېچه کون ایچیده یکونلنیشی ممکن اېدی دېب قۉشیمچه قیلدی.
شونده‌ی بۉلسه‌ده، ترامپ کیره‌ک بۉلگن تقدیرده امریکه کوچلری ایران نینگ کوه کلنگ مرکزی کبی جای‌لرینی ینه نشانگه آلیش کوچـیگه اېگه اېکه‌نینی بیلدیردی. اونینگ اورغولشـیچه، اگر شارت بۉلسه واشنگتن بیر ساعت ایچیده او یېرده عملیات قیلیشی ممکن، بیراق حاضر بونگه اېحتیاج یۉق.
او شونینگدېک، امریکه فضایی کوچلری آرقه‌لی ایران نینگ یادرولیک مرکزلرینی کوزه‌تیب تورگنینی قید اېتدی. ترامپ هرمز بوغازی نینگ خوفسیزلیگی خوسوسیده خلیج بۉیی بۉلگن متفق اولکه‌لر اوروش نینگ برچه چیقیم‌لرینی یوز فایز امریکه‌گه تۉلب بېریشلری کیره‌ک دېب ایتدی.
ترامپ ایران نینگ یادرولیک قوراللرگه اېریشیشینی تۉخته‌تیشنی واشنگتن نینگ اساسی یوتموغی دېب اتـه‌دی و اوشبو واقعه‌نی اۉتمیش اوروشلری بیلن سالیشتیردی. اونینگ اورغولشیچه، افغانستان ده‌گی ۲۰ ییللیک اوروشده مینگلرچه کیشی، عراقده ۵ مینگ و ویتنامده ۶۰ مینگ کیشی اۉلدیریلگن اېدی، اما ایران و ونزوئلاده‌گی ایکّی عملیاتده جمعی ۱۸ کیشی هلاک بۉلگن.
منبع: سی‌بی‌اس
🌐
