طالبان حکومتی افغانستان نینگ مکتبلری و پوهنتونلری تعلیمی نصابیده ینگی اۉزگریشلر کیریتیب، اۉقیتووچیلر درسی پلانلریدن بیر قطار اساسی مضمونلرنی چیقاریب تشله‌دی. ترقه‌تیلگن معلوماتلرگه کۉره، خاتین-قیزلر حقوقی، بشر حقوقلری، ملی بیرلیک و مدنی ایرکینلیکلر کبی موضوعلر نصابدن آلیب تشلنگن.
زاویه نیوز معلوماتیگه کۉره، منبعلر بو اۉزگریشلرنی تصدیقله‌ب، اۉچیریلگن موضوعلر اۉرنیگه ملا هبت‌الله اخندزاده‌گه تیگیشلی کتاب و امر بالمعروف قانونی کیریتیلگنینی ایتگن.
حذف قیلینگن درسلر قطاریگه ملی بیرق، ملی ترانه، خلق عنعنه‌لری، بامیان آبده‌لری و فردی و اجتماعی ایرکینلیکلر عنوانلری کیره‌دی. اوشبو تدبیر تعلیمی دستولرنی حاکم حرکت نظریه‌لری بیلن تطبیق قیلیش مقصدیده عملگه آشیریلماقده.
تعلیم بولیمی مسووللری بو کبی اۉزگریشلرنی دستولرنی شرعی قایده‌لر اساسیده ینگیلش دیب بیله‌دی، لیکن تدریس کارشناسلری بو ایشلرنی تعلیمی استانداردارگه ضد دیب بهاله‌ماقده.
بوندن آلدین هم افغانستانده قیزلر اوچون یوقاری صنف مکتبلری و عالی اۉقوو یورتلری یاپیلیب قۉییلگن اېدی. عیاللر حقوقیگه دایر درسلرنی اۉچیریش تعلیمی دایره‌لرده کۉپلب خواطرلرنی اویغاتگن.
معارف ایشلاوچیلری اجتماعی مفاهیملر و ملی اۉتمیش تاریخی درسی نصابدن چیقاریلیشی یاش نسل نینگ فکری اۉسیشیگه سلبی تاثیر قیلیشینی بیلدیرگنلر.
منبع: زاویه نیوز
🌐
