افغانستان نینگ ۱۸ یاشگچه فوتسال ملی تېمی بوگون دوشنبه کابل وقتی بیلن توشلیکدن کېین ساعت ۳:۳۰ ده داکار شهریده یاشلر المپیکی نینگ یریم فاینل باسقیچیده پرتگال بیلن بېلله‌شه‌دی.
اوشبو اهمیتلی اۉیین سینیگال پایتحتی داکارده بۉلیب اۉته‌دی و مملکت ملی تېمی اعضالری پرتگالنی ینگیب نهایی باسقیچگه یۉل تاپیش اوچون حرکت قیله‌دیلر.
اسپورت منبعلری نینگ معلوماتیگه کۉره، افغانستانلیک یاش فوتسالچیلر اوشبو باسقیچگه یېتیب کېلیشدن آلدین پاناما و سینیگال تېملرینی مغلوب اېتگن اېدیلر.
دنیا یاشلر المپیکی مسابقه‌لری ۲۰۰ دن آرتیق مملکت قتنه‌شوویده سینیگال پایتختیده دوام اېتماقده.
افغانستان فوتسال تېمی نینگ بو غلبه‌لری و اوتوشلری ایچکریده‌گی و تشقریده‌گی افغانلر تمانیدن قیزغین کوتیب آلیندی.
بوگونگی اۉیین نینگ غالب تېمی مستقیم روشده آلتین مدال اوچون فاینلگه چیقه‌دی.
منبع: اسپورت منبعلری
🌐
