ترکیه نینگ محلی رسانه‌لری اوشبو مملکت نینگ ایران بیلن چیگره‌سیده سکیز مهاجر نینگ جسدی تاپیلگنیدن خبر بېردی.
«وان‌خبر» آژانسی نینگ معلوماتیگه کۉره، مذکور جسدلر شنبه کونی سحر وان ولایت نینگ اوزالپ منطقه‌سیده، ایران چیگره‌سیدن اوچ کیلومتر اوزاقلیکده کۉریلگن. منبعلرگه کۉره، بو اجساد کیچه‌سی بیر سوی بوییگه تشلب کېتیلگن.
اوشبو کیشیلر نینگ شخسیتی و اۉلیم سببی رسماً اعلان قیلینمه‌گن بۉلسه-ده، اجتماعی ترماقلرده ترقه‌لگن ویدیو کورینیشلر قربانلر افغانستانلیک ایکنینی کۉرسته‌دی. اوشبو ویدیو ده افغانلر جسدلرنی کورسته‌دی و اولر نینگ افغان ایکنینی ادعا قیله‌دی.
وان‌خبر گزارشیگه اساسن، مقتوللر نینگ پای‌پوشلری چیقاریب آلینگن و قیمتلی بویوملری اۉغیرلنگن. مکتب سرویسی یولاوچیلری داغستان اریق یقینیده اوشبو جسدلرنی کۉریب، محلی مسووللرنی آگاهلنتیرگن.
قربانلر نینگ مسمومیت یا-ده ساوق اوریش عاقبتیده جان بېرگنلیگی تخمین قیلینماقده، بیراق هنوز قطعی تأیید بۉلمه‌گن. اۉلیم سببی قانونی طب تیکشیروولریدن سۉنگ انیقلنه‌دی.
منبع: وان‌خبر آژانسی
🌐
